മലപ്പുറം: പരിസ്ഥിതി നിയമം കാറ്റില്‍പറത്തി ജില്ലയില്‍ ക്വാറികള്‍ക്കും ക്രഷറുകള്‍ക്കും ഉണ്ടായിരുന്ന പ്രവര്‍ത്തന നിയന്ത്രണം ഭാഗികമായി നീക്കി. നേരത്തെ ഭൂമിയില്‍ വിള്ളല്‍ കാണപ്പെട്ട ചെക്കുന്ന് മലയിലെ 6 ക്വാറികളടക്കം 14 ക്വാറികള്‍ സംബന്ധിച്ച് കൂടുതല്‍ വിശദമായ പരിശോധനയ്ക്ക് ശേഷം മാത്രമേ തീരുമാനമെടുക്കു എന്ന് ജില്ലാ കളക്ടറുടെ ഉത്തരവില്‍ വ്യക്തമാക്കിയിരുന്നു.
ഇക്കഴിഞ്ഞ ആഗസ്റ്റ് 9 നാണ് ഉരുള്‍പൊട്ടല്‍, മണ്ണിടിച്ചില്‍ എന്നിവ മൂലമുള്ള അപകടങ്ങള്‍ കുറയ്ക്കുന്നതിന് മുന്‍കരുതല്‍ സ്വീകരിക്കുന്നതിനായി ക്വാറികളുടെ പ്രവര്‍ത്തനം നിരോധിച്ച് കളക്ടര്‍ ഉത്തരവിട്ടത്.
