ലഖ്‌നൗ: സമാജ്വാദി പാർട്ടിയുടെ 2022 തെരഞ്ഞെടുപ്പ് മുദ്രാവാക്യമായ ‘ആ രഹാ ഹും’ എന്നതിനെ പരിഹസിച്ച്‌ ഉത്തർപ്രദേശ് മുഖ്യമന്ത്രി യോഗി ആദിത്യനാഥ്. സമാജ്വാദി പാർട്ടിയുടെ മുദ്രാവാക്യം പറയുന്നത് സംസ്ഥാനത്ത് കുത്തഴിഞ്ഞ ഭരണവും ഗുണ്ടാരാജും തട്ടിക്കൊണ്ടുപോകലും വര്‍ഗീയ കലാപവും തിരികെ വരുമെന്നാണെന്ന് യോഗി പരിഹസിച്ചു.
“പ്രതിപക്ഷ നേതാക്കൾ ഇഫ്‌താർ പാർട്ടി നടത്തുന്നതിന്റെ തിരക്കിലാണ് സമാജ്വാദി പാര്‍ട്ടി രാജ്യത്തിന് വിനാശകരമാകുന്നവരുമായി കൂട്ടുകൂടുന്നു” എന്ന് യോഗി പറഞ്ഞു. ഒ.ബി.സി നേതാക്കളുടെ യോഗത്തില്‍ സംസാരിക്കവേയാണ് യോഗിയുടെ പരാമര്‍ശം. “
”സ്ത്രീകളും യുവാക്കളും കച്ചവടക്കാരുമെല്ലാം സമാജ്വാദി പാർട്ടിയുടെ ഭരണത്തില്‍ ബുദ്ധിമുട്ട് അനുഭവിക്കുകയായിരുന്നു. അവര്‍ ഹിന്ദു ആഘോഷങ്ങള്‍ക്കിടയില്‍ അടിയന്താരാവസ്ഥ ഏര്‍പ്പെടുത്തി. നമ്മുടെ വിശ്വാസം അവര്‍ ജയിലിലാക്കി. ഇതി അതുണ്ടാവില്ല. കൊറോണ പടര്‍ന്നുപിടിച്ചപ്പോള്‍ മറ്റുപാര്‍ട്ടികളെല്ലാം ക്വാറന്‍റീനില്‍ ഇരുന്നപ്പോള്‍ ബി.ജെ.പിയും ആര്‍.എസ്.സും മാത്രമാണ് പ്രവര്‍ത്തിച്ചത്” -യോഗി കൂട്ടിച്ചേര്‍ത്തു.
