ദില്ലി: ഇന്ത്യയുടെ നമ്പർ വൺ ബാറ്റ്‌സ്മാനെന്ന പദവി ഇനി ഹിറ്റ്മാന്‍ രോഹിത് ശര്‍മക്ക്. ഐ സി സി പുറത്തുവിട്ട പുതിയ റാങ്കിങ്ങിൽ ടെസ്റ്റിൽ ഇന്ത്യൻ ക്യാപ്റ്റൻ വിരാട് കോഹ്‌ലിയെ മറികടന്നാണ് രോഹിത് ശർമ തെരഞ്ഞെടുക്കപ്പെട്ടത്. ടെസ്റ്റിലെ തന്റെ മികച്ച റാങ്കിങ് സ്വന്തമാക്കിയ താരം കോഹ്‌ലിയെ പിന്നിലാക്കി അഞ്ചാം സ്ഥാനത്താണ് എത്തിയിരിക്കുന്നത്.
അതേസമയം തുടര്‍ച്ചയായ മോശം പ്രകടനങ്ങളെ തുടര്‍ന്നാണ് കോഹ്ലിക്ക് ഏറെക്കാലം കൈയടക്കി വച്ച ഈ സ്ഥാനം അദ്ദേഹത്തില്‍ നിന്നും വഴുതിപ്പോയത്. ഇനി ഓപ്പണര്‍ രോഹിത് ശര്‍മയാണ് ടെസ്റ്റില്‍ ഇന്ത്യയുടെ നമ്പർ വണ്‍ ബാറ്റ്സ്മാന് എന്നറിയപ്പെടുക.
2017 നവംബറിന് ശേഷം ആദ്യമായാണ് വിരാട് കോഹ്ലി അല്ലാത്ത മറ്റൊരു ഇന്ത്യന്‍ ബാറ്റ്സ്മാന് റാങ്കിങ്ങില്‍ മുന്നിട്ട് നില്‍ക്കുന്നത്. അഞ്ചു വര്‍ഷത്തിനിടെ ആദ്യമായിട്ടാണ് കോഹ്ലി ടെസ്റ്റ് റാങ്കിങില്‍ ടോപ്പ് ഫൈവില്‍ നിന്നും പുറത്തായിരിക്കുന്നത്. ടെസ്റ്റ് കരിയറില്‍ രോഹിത്തിന്റെ ഏറ്റവുമുയര്‍ന്ന റാങ്കിങ് കൂടിയാണ് ഇത്തവണത്തേത്. മാത്രമല്ല ഇംഗ്ലണ്ട് പരമ്പരയിൽ താരം നടത്തുന്ന മികച്ച പ്രകടനമാണ് റാങ്കിങ്ങിൽ പ്രതിഫലിച്ചത്.
പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്‌സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona
