ഇടുക്കി: വാഗമണ്ണില്‍ റോപ്‌വേ പൊട്ടിവീണ് അപകടം. അപകടത്തില്‍ 15 പേര്‍ക്ക് പരിക്ക്. വാഗമണ്ണിലെ ആത്മഹത്യാ മുനമ്പിലാണ് സംഭവമുണ്ടായത്. പരിക്കേറ്റവരെ ഈരാറ്റുപേട്ടയിലെ സ്വകാര്യ ആശുപത്രിയില്‍ പ്രവേശിപ്പിച്ചു. ഇവരില്‍ ചിലരുടെ നില ഗുരുതരമാണെന്നാണ് വിവരം.
അതേസമയം പരിധിയില്‍ അധികം ആളുകള്‍ കയറിയതാണ് അപകടത്തിന് കാരണമെന്ന് ഇവിടുത്തെ സുരക്ഷാ ജീവനക്കാര്‍ വ്യക്തമാക്കി.
നാല് പേര്‍ക്ക് മാത്രം കയറാന്‍ അനുവാദമുള്ള റോപ്‌വേയിലേക്ക് 15 ലേറെപ്പേർ നിര്‍ദേശങ്ങള്‍ അവഗണിച്ച്‌ കയറുകയായിരുന്നുവെന്നാണ് വിവരം. ഇവിടെ വിനോദയാത്രക്കെത്തിയ 30 അംഗ സംഘത്തിലെ 15 ലേറെപേരാണ് ഒന്നിച്ച്‌ റോപ്‌വേയില്‍ കയറിയത്.
