തിരുവനന്തപുരം: സർക്കാർ എന്നും അവഗണന കാട്ടുന്ന കെഎസ്ആർടിസി ജീവനക്കാർക്ക് താത്കാലിക ആശ്വാസം. ഒടുവിൽ ജീവനക്കാരുടെ ജൂലൈ മാസത്തെ ശമ്പളം ഇന്ന് നൽകാമെന്ന് തീരുമാനമായി. തൊഴിലാളികൾ സമരത്തിലേക്ക് പോകുമെന്ന നടപടി സ്വീകരിച്ചപ്പോഴാണ് സർക്കാർ ശമ്പളം നൽകുമെന്ന തീരുമാനം എടുത്തത്. ജീവനക്കാർക്ക് ജൂലൈ മാസത്തെ ശമ്പളവും 2750 രൂപ ഓണം അലവൻസും ഇന്ന് വിതരണം ചെയ്യുമെന്നാണ് വിവരം. തൊഴിലാളി സംഘടനാ നേതാക്കൾ കെഎസ്ആർടിസി മാനേജ്‌മെന്റുമായി ഇന്നലെ നടത്തിയ ചർച്ചയിലാണ് തീരുമാനമായത്. ശമ്പളത്തോടൊപ്പം 2,750 രൂപ ഓണം അലവൻസും കൂടി നൽകും.
തീരുമാനത്തെ തുടർന്ന് 26-ാം തീയതി മുതൽ നടത്താനിരുന്ന സമരം തൊഴിലാളി യൂണിയനുകൾ പിൻവലിച്ചിട്ടുണ്ട്. താൽക്കാലിക ജീവനക്കാർ, സ്വിഫ്റ്റ് ജീവനക്കാർ എന്നിവർക്ക് 1000 രൂപവീതം ആനുകൂല്യം അനുവദിക്കും. ശമ്പളം ഗഡുക്കളായി നൽകുന്ന രീതി വരും മാസങ്ങളിലും അംഗീകരിക്കാനാകില്ലെന്ന നിലപാട് യൂണിയൻ നേതാക്കൾ എംഡിയെ ധരിപ്പിച്ചിട്ടുണ്ട്.
