തിരുവനന്തപുരം: വിദ്യാര്ത്ഥി കണ്സഷനുമായി ബന്ധപ്പെട്ട് ഗതാഗത വകുപ്പ് മന്ത്രിയുടെ അഭിപ്രായം അപക്വമെന്ന് എസ്എഫ്ഐ. വിദ്യാർത്ഥി ബസ് കൺസെഷൻ ആരുടെയും ഔദാര്യമല്ല അവകാശമാണെന്നും എസ്എഫ്ഐ അറിയിച്ചു. നിരവധി അവകാശ സമരങ്ങളിലൂടെ നേടിയെടുത്ത വിദ്യാര്ത്ഥികളുടെ അവകാശമാണ് ബസ് കണ്സഷന്. അത് വര്ദ്ധിപ്പിക്കുന്നത് ആലോചിക്കുമെന്നും അതോടൊപ്പം തന്നെ നിലവിലെ കണ്സെഷന് തുക കുട്ടികള്ക്ക് തന്നെ നാണക്കേടാണെന്നും അഭിപ്രായം പ്രകടിപ്പിച്ച ഗതാഗതമന്ത്രിയുടെ അഭിപ്രായ പ്രകടനം പ്രതിഷേധാര്ഹമാണെന്ന് എസ്എഫ്ഐ പുറത്തിറക്കിയ വാര്ത്താക്കുറിപ്പില് പറയുന്നു.
നിലവിലെ കണ്സഷന് തുക കുട്ടികള്ക്ക് തന്നെ നാണക്കേടാണെന്നും അഭിപ്രായം പ്രകടിപ്പിച്ച ഗതാഗത മന്ത്രിയുടെ വാക്കുകള് പ്രതിഷേധാര്ഹമാണെന്നും എസ്എഫ്ഐ വ്യക്തമാക്കി. മന്ത്രിയുടെ പ്രസ്താവനക്കെതിരെ കെഎസ്യുവും രംഗത്ത് എത്തിയിരുന്നു. മന്ത്രിക്ക് മാത്രമാണ് നിരക്കിനോട് പുച്ഛം തോന്നുന്നതെന്നായിരുന്നു സംസ്ഥാന പ്രസിഡന്റ് കെ എം അഭിജിത്ത് പറഞ്ഞത്.
