ഷഹീന് ചുഴലിക്കാറ്റ് ശക്തിപ്രാപിച്ചതോടെ ഒമാനിലെ ബാത്തിന ഗവര്ണറേറ്റുകളില് ഗതാഗതം നിര്ത്തിവെച്ചു. വടക്കന് ബാത്തിന, തെക്കന് ബാത്തിന എന്നി ഗവര്ണറേറ്റുകളില് പൊതു നിരത്തിലൂടെ വാഹനങ്ങളില് യാത്ര ചെയ്യുന്നത് നിരോധിച്ചതായി റോയല് ഒമാന് പോലീസിന്റെ ട്രാഫിക് വിഭാഗം അറിയിച്ചിരിക്കുകയാണ്. കൂടാതെ കനത്ത ജാഗ്രത നിർദേശവും നൽകിയിട്ടുണ്ട്.
എന്നാല് അടിയന്തര സാഹചര്യത്തില് ഗതാഗതം അനുവദിക്കുമെന്നും പോലീസിന്റെ അറിയിപ്പില് പറയുന്നു. ഏതാനും മണിക്കൂറുകള്ക്കുള്ളില് ഷഹീന് ചുഴലിക്കാറ്റ് ഈ ഗവര്ണറേറ്റുകളില് ആഞ്ഞടിക്കുന്നതിനാലാണ് പോലീസിന്റെ ഈ തീരുമാനം .
അതേസമയം മസ്കറ്റ് ഗവര്ണറേറ്റില് അല് അമരാത്ത് വിലയത്തില് മഴ മൂലം രൂപപ്പെട്ട വെള്ളപ്പാച്ചിലില് അകപ്പെട്ട് ഒരു കുട്ടി മരണപ്പെട്ടു. ഷഹീന് ചുഴലിക്കാറ്റ് മൂലം അനുഭവപ്പെടുന്ന മഴയും കാറ്റും മൂലം താമസ സ്ഥലത്ത് വെള്ളം കയറിയതിനാല് നിരവധി കുടുംബങ്ങളെ മസ്കറ്റ് ഗവര്ണറേറ്റിലെ അമിറാത്ത് വിലയാത്തിലെ അഭയകേന്ദ്രങ്ങങ്ങളിലേക്കു മാറ്റി പാര്പ്പിച്ചു.
അപകടം ഒഴിവാക്കാന് കോറം പ്രദേശത്തും, സീബിലെ ചില പ്രദേശങ്ങളിലും വൈദ്യുതി വിച്ഛേദിക്കുകയും ചെയ്തു.