എറണാകുളം: എറണാകുളം ചോറ്റാനിക്കരയില് കെ റെയില് സര്വ്വേക്ക് എതിരെ വീണ്ടും പ്രതിഷേധം. എറണാകുളം ഡിസിസിയുടെ നേതൃത്വത്തിലാണ് പ്രതിഷേധം നടന്നത്. പ്രതിഷേധത്തെ തുടർന്ന് കോണ്ഗ്രസ് പ്രവര്ത്തകര് അതിരടയാള കല്ലുകള് പിഴുതുമാറ്റി കുളത്തിലെറിഞ്ഞു. സ്ഥലത്ത് വന് പോലീസ് സന്നാഹമാണ് എത്തിയത്. എന്തൊക്കെ വന്നാലും അതിരടയാള കല്ല് സ്ഥാപിക്കാൻ അനുവദിക്കില്ലെന്ന് നാട്ടുകാർ പറഞ്ഞു.
കെ റെയിൽ കല്ല് സ്ഥാപിക്കാൻ ഉദ്യോഗസ്ഥരെത്തിയാല് ഇനിയും തടയുമെന്നാണ് നാട്ടുകാര് പറയുന്നത്. കഴിഞ്ഞ ദിവസം പ്രദേശത്ത് വലിയ സംഘര്ഷമുണ്ടായതോടെ കല്ല് സ്ഥാപിക്കാതെ ഉദ്യോഗസ്ഥര് മടങ്ങിയിരുന്നു. എന്നാല് ഇന്ന് വീണ്ടും ഉദ്യോഗസ്ഥരെത്തുമെന്ന് അറിഞ്ഞതോടെയാണ് നാട്ടുകാര് പ്രതിഷേധവുമായി സംഘടിക്കുകയായിരുന്നു.
