ഐസിസിയുടെ കഴിഞ്ഞ വര്ഷത്തെ ഏറ്റവും മികച്ച വനിതാ ക്രിക്കറ്റ് താരത്തിനുള്ള പുരസ്കാരം സ്വന്തമാക്കി ഇന്ത്യയുടെ സ്മൃതി മന്ദാന. റേച്ചല് ഹെയ്ഹോ ഫ്ളിന്റിന്റെ പേരില് അറിയപ്പെടുന്ന പുരസ്കാരമാണ് മന്ദാനയ്ക്ക് ലഭിക്കുക. ഓസ്ട്രേലിയക്കെതിരായ ഇന്ത്യയുടെ ആദ്യ പിങ്ക് ബോള് ടെസ്റ്റില് മന്ദാന സെഞ്ച്വറിയുമായി തേടിയിരുന്നു.
ഇന്ത്യക്കു വേണ്ടി 22 അന്താരാഷ്ട്ര മല്സരങ്ങളില് നിന്നും 38.86 ശരാശരിയില് 855 റണ്സ് താരം അടിച്ചെടുത്തിരുന്നു. ഒരു സെഞ്ച്വറിയും അഞ്ചു ഫിഫ്റ്റികളുമടക്കമാണിത്. വനിതാ ഏകദിന ക്രിക്കറ്റര് ഓഫ് ദി ഇയര് പുരസ്കാരം 2018ല് മന്ദാന നേടിയിരുന്നു. ഐസിസിയുടെ ഉയര്ന്ന അവര്ഡ് രണ്ടുതവണ നേടുന്ന രണ്ടാമത്തെ മാത്രം താരമാണ് മന്ദാന.
ഓസ്ട്രേലിയക്കെതിരായ ഇന്ത്യയുടെ കന്നി പിങ്ക് ബോള് ടെസ്റ്റില് നേടിയ സെഞ്ച്വറിയാണ് കഴിഞ്ഞ വര്ഷത്തെ മന്ദാനയുടെ ഏറ്റവും മികച്ച പ്രകടനം. അതേസമയം ഐസിസിയുടെ മികച്ച പുരുഷ ക്രിക്കറ്റ് താരത്തിനുള്ള അവാര്ഡ് പാക് താരം ഷഹീന് ഷാ അഫ്രീദിയാണ് സ്വന്തമാക്കിയത്.