കൊച്ചി: ഡോളര്ക്കടത്ത് കേസില് സ്പീക്കര് പി ശ്രീരാമകൃഷ്ണനെ കസ്റ്റംസ് ചോദ്യം ചെയ്യും. ഡോളര് അടങ്ങിയ ബാഗ് പ്രതികള്ക്ക് കൈമാറിയെന്ന ഗുരുതര മൊഴി സ്പീക്കര്ക്കെതിരെ ലഭിച്ച സാഹചര്യത്തിലാണ് കസ്റ്റംസിന്റെ പുതിയ നീക്കം. സ്വര്ണക്കടത്ത് കേസിലെ പ്രതികളായ സ്വപ്നയും സരിത്തുമാണ് ഡോളര് അടങ്ങിയ ബാഗ് കോണ്സുലേറ്റ് ഓഫീസില് എത്തിക്കാന് സ്പീക്കര് ആവശ്യപ്പെട്ടുവെന്നാണ് മൊഴി നല്കിയത്. ഇരുവരും മജിസ്ട്രേറ്റിനും കസ്റ്റംസിനും നല്കിയ മൊഴിയില് സ്പീക്കര്ക്കെതിരെ ഗുരുതര ആരോപണങ്ങളാണ് ഉള്ളത്. അടുത്ത ആഴ്ച നോട്ടീസ് നല്കി നോട്ടീസ് നല്കി സ്പീക്കറെ കൊച്ചിയിലേക്ക് വിളിച്ചുവരുത്താനാണ് കസ്റ്റംസ് നീക്കം. അതേസമയം ഇതേക്കുറിച്ചറിഞ്ഞിട്ടില്ലെന്നാണ് സ്പീക്കറുടെ പ്രതികരണം.