തിരുവനന്തപുരം: യൂണിവേഴ്സിറ്റി കോളേജ് വിദ്യാർത്ഥിയായ അഖിൽ ചന്ദ്രനെ കുത്തിയ കേസിൽ പത്താം പ്രതി പിടിയില്. കേസിലെ പത്താം പ്രതി മുഹമ്മദ് അസ്ലമിനെ പെരിങ്ങമലയിലെ വീട്ടിൽ നിന്നാണ് പിടികൂടിയത്. കന്റോണ്മെന്റ് പോലീസാണ് പ്രതിയെ അറസ്റ്റ് ചെയ്തത്. ഇതോടെ കേസിൽ പിടിയിലായ പ്രതികളുടെ എണ്ണം 20 ആയി.
കേസുമായി ബന്ധപ്പെട്ട പത്ത് പേർ ഇപ്പോഴും ഒളിവിലാണ്. കേസിലെ മൂന്നാം പ്രതിയെ ഇതുവരെ അറസ്റ്റ് ചെയ്യാത്തതിൽ ഹൈക്കോടതി പോലീസിനെ നിശിതമായി വിമർശിച്ചിരുന്നു.
അതേസമയം കേസിലെ ഒന്നും രണ്ടുംപ്രതികളായ ശിവരഞ്ജിത്ത്, നസീം എന്നിവരുടെ ജാമ്യാപേക്ഷ തിരുവനന്തപുരം ജില്ലാ പ്രിൻസിപ്പൽ സെഷൻസ് കോടതി തള്ളി