തിരുവനന്തപുരം: കേരളത്തില്‍ സമ്പൂർണ്ണ ഫ്ളക്സ് ബോർഡ് നിരോധനം ഏർപ്പെടുത്തി. ഫ്ളക്സ് ബോർഡ് ഉപയോഗം പൂർണമായും നിരോധിച്ച് സർക്കാർ ഉത്തരവിറക്കി. എല്ലാ പരിപാടികൾക്കും പ്രചാരണങ്ങൾക്കും ഇനിമുതൽ പരിസ്ഥിതി സൗഹൃദ വസ്തുക്കൾ ഉപയോഗിക്കണമെന്നും ഉത്തരവിൽ പറയുന്നു.
നിരോധനത്തിന്റെ ആദ്യഘട്ടത്തിൽ പിവിസി ഫ്ളക്സ് പ്രിന്‍റ് ചെയ്യുന്ന സ്ഥാപനങ്ങളിൽ നിന്നും പിഴ ഈടാക്കും. നിയമലംഘനം തുടർന്നാൽ ഇവരുടെ ലൈസൻസ് റദ്ദാക്കും. പരിപാടികൾക്ക് ഉപയോഗിക്കുന്ന ബോർഡുകൾ ആവശ്യം കഴിഞ്ഞ് നീക്കം ചെയ്തില്ലെങ്കിലും പിഴ ഈടാക്കുമെന്നും ഉത്തരവിൽ പറയുന്നു.
