തിരുവനന്തപുരം: തദ്ദേശവാർഡ് പുനർവിഭജനത്തിനുള്ള ഓർഡിനൻസ്, അനുമതിക്കായി കേന്ദ്ര തെരഞ്ഞെടുപ്പ് കമ്മീഷന് ഇന്ന് സംസ്ഥാന തെരഞ്ഞെടുപ്പ് കമ്മീഷണർ കൈമാറും. വിജ്ഞാപന ചട്ടം നിലനിൽക്കുന്ന സാഹചര്യത്തിൽ ഓർഡിനൻസ് ഇറക്കാൻ ഇളവ് തേടാനാണ് സംസ്ഥാന സർക്കാരിന്റെ നീക്കം.
കേന്ദ്ര തെരഞ്ഞെടുപ്പ് കമ്മീഷന്റെ അനുമതി ഇല്ലാത്തതിനാൽ ഗവർണർ കഴിഞ്ഞ ദിവസം ഓർഡിനൻസ് മടക്കിയിരുന്നു. ഓർഡിനൻസിൽ അനുമതി നീളുന്ന സാഹചര്യമുണ്ടായാൽ ബില്ല് കൊണ്ടുവരുന്നതും സർക്കാരിന്റെ പരിഗണനയിലുണ്ട്. അടുത്ത നിയമസഭാ സമ്മളനത്തിൽ ബില്ല് അവതരിപ്പിക്കണമെങ്കിൽ അതിവേഗത്തിൽ നടപടികൾ പൂർത്തിയാക്കേണ്ടതുണ്ട്. എന്നാൽ ബില്ലിൽ ഗവർണർ ഒപ്പിടുമോ എന്നതാണ് സർക്കാർ നേരിടുന്ന പ്രധാന വെല്ലുവിളി.