തിരുവനന്തപുരം ; സാക്ഷരതാമിഷന്റെ സാക്ഷരതാ പരീക്ഷയായ ‘മികവുത്സവ’ത്തിന്റെ സംസ്ഥാനതല ഉദ്ഘാടനം അരുവിക്കര കോട്ടൂര്‍ വാല്‍പ്പാറ സെറ്റില്‍മെന്റില്‍ മന്ത്രി വി. ശിവന്‍കുട്ടി നിര്‍വഹിച്ചു. എം. എല്‍. എ അഡ്വ. ജി. സ്റ്റീഫന്‍ അദ്ധ്യക്ഷത വഹിച്ചു.ആദിവാസി, ദളിത്, തീരദേശം, നൂനപക്ഷം, ട്രാന്‍സ്‌ജെന്‍ഡര്‍ എന്നീ വിഭാഗങ്ങള്‍ക്ക് ഊന്നല്‍ നല്‍കുന്ന പഠ്ന ലിഖ്ന അഭിയാന്‍ പദ്ധതിയില്‍ അഞ്ചു ജില്ലകളില്‍ നിന്നായി രണ്ട് ലക്ഷം നിരക്ഷരരെയാണ് ക്ലാസ്സുകളില്‍ എത്തിച്ചത്.
പഠിതാക്കളില്‍ ഭൂരിഭാഗവും സ്ത്രീകളും 50 വയസിനു മുകളിലുള്ളവരുമാണ്. 20, 000 വോളന്ററി അദ്ധ്യാപകരാണ് മൂന്നു മാസം നീളുന്ന ക്ലാസുകളെടുക്കുന്നത്.വിജയികള്‍ക്ക് നാഷണല്‍ ഇന്‍സ്റ്റിറ്റ്യൂട്ട് ഒഫ് ഓപ്പണ്‍ സ്‌കൂളും നാഷണല്‍ ലിറ്ററസി മിഷനും ചേര്‍ന്ന് സര്‍ട്ടിഫിക്കറ്റ് നല്‍കും.
