ദില്ലി :മുതിർന്ന കോൺഗ്രസ് നേതാവും എഐസിസി മുൻ ജനറൽ സെക്രട്ടറിയും സോണിയ ഗാന്ധിയുടെ വിശ്വസ്തനുമായിരുന്ന ടോം വടക്കൻ ബിജെപിയിൽ ചേർന്നു. ഡൽഹി ബിജെപി ആസ്ഥാനത്ത് വച്ച് നടന്ന വാർത്താ സമ്മേളനത്തിൽ കേന്ദ്രമന്ത്രി രവിശങ്കർ പ്രസാദിൽ നിന്ന് അദ്ദേഹം പാർട്ടി അംഗത്വം സ്വീകരിച്ചു.
കോണ്‍ഗ്രസില്‍ നിരവധി അധികാര കേന്ദ്രങ്ങളാണെന്നും ഉപയോഗിച്ച് വലിച്ചെറിയുന്ന രീതിയാണ് കോണ്‍ഗ്രസില്‍ ഉള്ളതെന്നും പാര്‍ട്ടി വിടുകയല്ലാതെ മറ്റ് മാര്‍ഗമില്ലായിരുന്നു എന്നും ടോം വടക്കൻ പ്രതികരിച്ചു . പുല്‍വാമ ആക്രമണത്തില്‍ കോണ്‍ഗ്രസ് നിലപാടില്‍ പ്രതിഷേധിച്ചാണ് രാജിവെക്കുന്നതും വടക്കന്‍ പറഞ്ഞു.
പ്രധാനമന്ത്രിയുടെ വികസന അജണ്ടയോട് യോജിപ്പാണെന്ന് പാര്‍ട്ടി അംഗത്വം സ്വീകരിച്ചു കൊണ്ട് വടക്കന്‍ പറഞ്ഞു. രാജ്യത്തിനെതിരായ നിലപാട് സ്വീകരിച്ചാല്‍ അത് അംഗീകരിക്കാന്‍ കഴിയില്ലെന്നും അദ്ദേഹം പറഞ്ഞു.
തിരഞ്ഞെടുപ്പ് പടിവാതിൽക്കൽ എത്തിനിൽക്കുമ്പോൾ മുൻ വക്താവ് കൂടിയായ ടോം വടക്കന്റെ ചുവടുമാറ്റം കോൺഗ്രസ്സിനെ സമ്മർദ്ദത്തിലാക്കിയിരിക്കുകയാണ് .മറ്റൊരു മുതിർന്ന കോൺഗ്രസ്സ് നേതാവ് കൂടി ബിജെപിയിലേക്ക് എത്തുമെന്ന വാർത്തയും കോൺഗ്രസ്സിനെ അസ്വസ്ഥമാക്കുന്നുണ്ട് എന്നാണ് റിപ്പോർട്ട്
