മലയാളികളുടെ പ്രീയ നടനാണ് ടോവിനോ തോമസ്. 2018ല്‍ കേരളത്തെ പിടിച്ചു കുലുക്കിയ മഹാപ്രളയത്തില്‍ ഉടനീളം സന്നദ്ധ പ്രവര്‍ത്തകനായി ടൊവിനോ തോമസ് സജീവമായിരുന്നു. പിന്നീട് നടന് ഇതുമായി ബന്ധപ്പെട്ട് ഏറെ ട്രോളുകളും നേരിടേണ്ടി വന്നു. ഇപ്പോൾ അത്തരം വിമർശനങ്ങൾക്ക് പ്രതികരണവുമായെത്തിയിരിക്കുകയാണ് ടോവിനോ തോമസ്. 2018 എന്ന സിനിമയുടെ പ്രമോഷന്റെ ഭാഗമായി നടന്ന പ്രസ് മീറ്റിൽ സംസാരിക്കുകയായിരുന്നു നടൻ.
പ്രളയസമയത്ത് ഞാൻ ചെയ്തത് പിആർ വർക്കുകൾ ആണെന്ന തരത്തിൽ ആരോപണങ്ങൾ ഉയർന്നു വന്നിരുന്നു. തന്നെ പ്രളയം സ്റ്റാർ എന്ന് പോലും പലരും വിളിച്ചിരുന്നുവെന്ന് ടോവിനോ തോമസ് പറയുന്നു. ഇത്തരം ട്രോളുകളും വിമർശനങ്ങളും എന്നെ ഏറെ വേദനിപ്പിച്ചു. മായാനദി ഇറങ്ങിയതു കൊണ്ടാണ് പ്രളയം വന്നതെന്ന തരത്തില്‍ വരെ പ്രചാരണമുണ്ടായെന്ന് ടോവിനോ തോമസ് പറയുന്നു. ഇതൊക്കെ ആരാണ് പറയുന്നതെന്ന് എനിക്കറിയില്ല. എന്റെ സിനിമ ഇറങ്ങുമ്പോള്‍ മഴ പെയ്യും. ഞാന്‍ ഈ നാടിനെന്തോ ആപത്താണ്, ഞാനൊരു ദുശ്ശകുനമാണ്, മായാനദി ഇറങ്ങിയതുകൊണ്ടാണ് നദികള്‍ കവിഞ്ഞൊഴുകിയത് എന്നൊക്കെയാണ് പറയുന്നത്. തമാശയൊക്കെ ഞാനും ആദ്യം എന്‍ജോയ് ചെയ്തു. പിന്നെ അത് വളരെ സീരിയസായെന്നും ടോവിനോ തോമസ് പറയുന്നു.
