തൃശൂർ: പതിനാറുകാരന് മദ്യം നല്കി പീഡിപ്പിച്ചെന്ന കേസിൽ ട്യൂഷന് ടീച്ചര് കസ്റ്റഡിയിൽ.കുട്ടി മാനസികമായ അസ്വസ്ഥത പ്രകടിപ്പിച്ചു തുടങ്ങിയപ്പോള് അധ്യാപകര് വിവരം തിരക്കിയെങ്കിലും
കുട്ടി പ്രത്യേകിച്ചൊന്നും പറഞ്ഞില്ല.ഒടുവിൽ കൗണ്സിലിങ്ങിന് കൊണ്ടുപോയപ്പോൾ കൗണ്സിലറുടെ അടുത്ത് മാനസികപ്രശ്നത്തിന്റെ കാരണം കുട്ടി വെളിപ്പെടുത്തി.
‘‘ട്യൂഷന് ടീച്ചര് മദ്യം നല്കി ഉപദ്രവിച്ചു’’. കൗണ്സിലര് ഉടനെ തന്നെ അധ്യാപകരെ വിവരമറിയിച്ചു. അധ്യാപകർ ശിശുക്ഷേമ സമിതി അംഗങ്ങളോട് പറഞ്ഞു. ശിശുക്ഷേമ സമിതി അംഗങ്ങള് തൃശൂര് മണ്ണുത്തി പോലീസിന് വിവരങ്ങള് കൈമാറി. ട്യൂഷന് ടീച്ചറെ കസ്റ്റഡിയിലെടുത്തു. കുട്ടി പറഞ്ഞ കാര്യങ്ങള് ശരിയാണെന്ന് അധ്യാപിക പോലീസിനോട് സമ്മതിച്ചു.
ഭര്ത്താവുമായി വേര്പിരിഞ്ഞു കഴിയുകയാണ് ടീച്ചര്. മക്കളില്ല. കോവിഡ് കാലത്താണ് ട്യൂഷന് എടുത്ത് തുടങ്ങിയത്. നേരത്തെ ഫിറ്റ്നസ് സെന്ററില് പരിശീലികയായും ജോലി നോക്കിയിരുന്നു. പതിനാറുകാരനെ മെഡിക്കല് പരിശോധനയ്ക്കു വിധേയമാക്കി. രഹസ്യമൊഴിയും രേഖപ്പെടുത്തി.
പോക്സോ നിയമപ്രകാരം അധ്യാപികയെ അറസ്റ്റ് ചെയ്തു. പോക്സോ കേസ് ആയതിനാല് പ്രതിയുടെ പേരോ മറ്റു വിശദാംശങ്ങളോ വെളിപ്പെടുത്തരുതെന്നാണ് ചട്ടം. പ്രത്യേകിച്ച്, ഈ അധ്യാപികയുടെ അടുത്ത് ട്യൂഷന് പോയിട്ടുള്ള വിദ്യാര്ഥികളെല്ലാം മാനസിക വിഷമം നേരിടേണ്ടി വരും. ഇക്കാരണത്താല്, പ്രതിയുടെ പേരോ സ്ഥലമോ വെളിപ്പെടുത്തരുതെന്നാണ് പോലീസിന്റെ നിര്ദ്ദേശം