പത്തനംതിട്ട: ശബരിമലയിൽ ഒരുമണിക്കൂറിനിടെ രണ്ട് അപകടം ശബരിമല തീര്ത്ഥാടകരുടെ വാഹനം നിയന്ത്രണം വിട്ട് തോട്ടിലേക്ക് മറിഞ്ഞാണ് അപകടമുണ്ടായത്. എരുമേലിയില് ഇന്ന് പുലര്ച്ചെ 4.30നായിരുന്നു. തീർത്ഥാടകർ സഞ്ചരിച്ച വാഹനം അപകടത്തിൽപ്പെട്ടത്. 4 തീര്ത്ഥാടകര്ക്ക് പരിക്കേറ്റു. ആരുടെയും പരിക്ക് ഗുരുതരമല്ല.
പൊലീസ് സ്റ്റേഷന് സമീപത്തെ പാര്ക്കിംഗ് മൈതാനത്ത് നിന്നാണ് മിനി ബസ് നിയന്ത്രണം തെറ്റി തോട്ടില് പതിച്ചത്. തമിഴ്നാട് നിന്നുമുള്ള തീര്ത്ഥാടകസംഘം സഞ്ചരിച്ചിരുന്ന വാഹനമാണ് അപകടത്തില്പ്പെട്ടത്. പരിക്കേറ്റവരെ വിവിധ ആശുപത്രിയില് പ്രവേശിപ്പിച്ചു.
അതേസമയം, എരുമേലി കണമല അട്ടിവളവില് മറ്റൊരു അപകടം ഉണ്ടായി. തീര്ത്ഥാടകരുടെ ബസ് നിയന്ത്രണം തെറ്റി മറിഞ്ഞുണ്ടായ അപകടത്തിൽ മാര്ത്താണ്ഡം സ്വദേശികളായ മേരി, റോസ് ലെറ്റ്, ശിവാസ്, എന്നിവര്ക്ക് പരിക്കേറ്റു. പരിക്കേറ്റവരെ ആശുപത്രിയിലേക്ക് മാറ്റി.