വിശ്വാസവോട്ടെടുപ്പിന് മുന്നോടിയായി ഉദ്ധവ് താക്കറെ മഹാരാഷ്ട്ര മുഖ്യമന്ത്രി സ്ഥാനം രാജിവച്ചു

മഹാരാഷ്ട്രയിൽ രാഷ്ട്രീയ പ്രതിസന്ധി രൂക്ഷമായ സാഹചര്യത്തിൽ മുഖ്യമന്ത്രിസ്ഥാനം രാജിവെക്കുന്നതായി ഉദ്ധവ് താക്കറെ ബുധനാഴ്ച അറിയിച്ചു. വ്യാഴാഴ്ച നിയമസഭയിൽ ഭൂരിപക്ഷം തെളിയിക്കാൻ ഉദ്ധവ് താക്കറെയുടെ നേതൃത്വത്തിലുള്ള സർക്കാരിനോട് ആവശ്യപ്പെട്ട് സംസ്ഥാന ഗവർണർ ബിഎസ് കോഷിയാരി ഉത്തരവിട്ട വിശ്വാസവോട്ടെടുപ്പ് സ്റ്റേ ചെയ്യണമെന്ന ശിവസേനയുടെ ഹർജി സുപ്രീം കോടതി തള്ളിയതിന് പിന്നാലെയാണിത്. ഫേസ്ബുക്ക് ലൈവിലെത്തിയായിരുന്നു രാജി പ്രഖ്യാപനം.