മണിരത്നം ചിത്രമായ പൊന്നിയിന് സെല്വന്റെ ആദ്യ ഭാഗം സെപ്റ്റംബര് 30ന് റിലീസ് ചെയ്യും. ഐശ്വര്യ റായ്, വിക്രം, ജയം രവി, കാര്ത്തി, തൃഷ, ഐശ്വര്യ ലക്ഷ്മി, ജയറാം, പ്രകാശ് രാജ്, ശരത്കുമാര് തുടങ്ങി വൻ താര നിറയാൻ ചിത്രത്തിൽ അണിനിരക്കുന്നത്.
500 കോടി ബഡ്ജറ്റില് ഒരുക്കുന്ന ചിത്രത്തിലെ അഭിനേതാക്കളുടെ പ്രതിഫലത്തെക്കുറിച്ച് മുന്പേ റിപ്പോര്ട്ടുകള് പുറത്ത് വന്നിട്ടുണ്ടായിരുന്നു. സിനിമയില് ഏറ്റവും കൂടുതല് പ്രതിഫലം വാങ്ങുന്ന നടന് വിക്രമാണ്. 10 കോടി രൂപയാണ് ഐശ്വര്യ റായിക്ക് ലഭിക്കുന്നതെന്നാണ് റിപ്പോര്ട്ടുകള്. ആദിത്യ കരികാലന് എന്ന കഥാപാത്രത്തെ വിക്രവും നന്ദിനിയായി ഐശ്വര്യയും വേഷമിടുന്നു.
അരുണ്മൊഴി വര്മ്മനായെത്തുന്ന ജയം രവിക്കും വന്ദ്യദേവനായി വേഷമിടുന്ന കാര്ത്തിക്കും അഞ്ച് കോടി രൂപയാണ് പ്രതിഫലം. ചോള രാജകുമാരി കുന്ദവായിയായി വേഷമിടുന്ന തൃഷയ്ക്ക് രണ്ട് കോടി രൂപയാണ് പ്രതിഫലം. പ്രകാശ് രാജിനും ഐശ്വര്യ ലക്ഷ്മിക്കും 1.5 കോടി രൂപ വീതം ലഭിക്കുമെന്നാണ് റിപ്പോര്ട്ട്.