‘ദ കശ്മിര് ഫയല്സ്’ എന്ന ചിത്രത്തിലൂടെ പ്രേക്ഷകശ്രദ്ധ നേടിയ വിവേക് അഗ്നിഹോത്രിയുടെ പുതിയ ചിത്രത്തിന് തുടക്കം. ദ വാക്സിൻ വാര്’ എന്ന് പേരിട്ടിരിക്കുന്ന ചിത്രം ലക്നൗവിലാണ് തുടക്കം കുറിച്ചിരിക്കുന്നത്. അവിശ്വസനീയമായ യഥാര്ഥ കഥയാണ് ചിത്രം പറയുകയെന്ന് വിവേക് അഗ്നിഹോത്രി വ്യക്തമാക്കിയിരുന്നു. 2023 സ്വാതന്ത്ര്യദിനത്തില് റിലീസ് ചെയ്യുന്ന ചിത്രം 11 ഭാഷകളിലാണ് എത്തുക.
ഉള്ളടക്കം കൊണ്ട് സമീപകാലത്ത് ഏറെ ചര്ച്ചയും വിവാദവും ഉണ്ടാക്കിയ ബോളിവുഡ് ചിത്രമായിരുന്നു ‘ദ കശ്മിര് ഫയല്സ്’. തിയറ്ററുകളില് മികച്ച പ്രതികരണവും നേടി. കൊവിഡിനെ കുറിച്ചും രാജ്യത്തെ വാക്സിനേഷൻ പ്രക്രിയയെ കുറിച്ചുമായിരിക്കും ചിത്രമെന്നാണ് റിപ്പോര്ട്ട്. അയാം ബുദ്ധ പ്രൊഡക്ഷൻസ് തന്നെയാണ് ചിത്രം നിര്മിക്കുന്നത്. അഭിഷേക് അഗര്വാള് ആര്ട്സ് ബാനറിലൂടെയാണ് ചിത്രം റിലീസ് ചെയ്യുക. അഭിനേതാക്കള് ആരൊക്കെ ആയിരിക്കും എന്ന് വെളിപ്പെടുത്തിയിട്ടില്ല.
കശ്മിരി പണ്ഡിറ്റുകളുടെ പലായനത്തിന്റെ കഥ പറഞ്ഞ ചിത്രമായിരുന്നു ‘ദ കശ്മിര് ഫയല്സ്’. മിഥുൻ ചക്രവർത്തി, അനുപം ഖേർ, ദർശൻ കുമാർ, പല്ലവി ജോഷി, ചിന്മയി മാണ്ട്ലേകർ, പുനീത് ഇസ്സർ, പ്രകാശ് ബേലവാടി, അതുൽ ശ്രീവാസ്തവ, മൃണാൽ കുൽക്കർണി എന്നിവര് അഭിനയിച്ച ‘ദ കശ്മിര് ഫയല്സ്’ വൻ ഹിറ്റാകുകയും ചെയ്തു.