കുവൈത്ത് സിറ്റി: കുവൈത്തില് നിയമലംഘകരായ പ്രവാസികളെ കണ്ടെത്താനായി സുരക്ഷാ വകുപ്പുകള് നടത്തുന്ന വ്യാപക പരിശോധന തുടരുകയാണ്.ആഭ്യന്തര മന്ത്രാലയ ഉദ്യോഗസ്ഥര് നടത്തിയ പരിശോധനയിലാണ് താമസ, തൊഴില് നിയമലംഘകരായ ഒമ്പത് പ്രവാസികള് കൂടി അറസ്റ്റിലായത്.പിടിയിലായവരില് ഏഴു പേര് സ്പോണ്സര്മാരില് നിന്നും ഒളിച്ചോടിയവരാണ്. ഒരാള് വിസാ കാലാവധി കഴിഞ്ഞും രാജ്യത്ത് താമസിച്ചു വരികയായിരുന്നു. മറ്റൊരാളുടെ റെസിഡന്സ് കാലാവധി അവസാനിച്ചിരുന്നു. അറസ്റ്റിലായവരെ തുടര് നിയമ നടപടികള്ക്കായി ബന്ധപ്പെട്ട വകുപ്പുകള്ക്ക് കൈമാറി.
നിയമലംഘകരായ പ്രവാസികളെ കണ്ടെത്താനായി കഴിഞ്ഞ ഏതാനും മാസങ്ങളായി ശക്തമായ പരിശോധനകളാണ് കുവൈത്തിന്റെ വിവിധ ഭാഗങ്ങളില് നടന്നുവരുന്നത്. താമസ നിയമങ്ങള് ലംഘിച്ച് രാജ്യത്ത് ജോലി ചെയ്യുന്നവരെയും തൊഴില് നിയമ ലംഘകരെയും രേഖകളുടെ കാലാവധി അവസാനിച്ച ശേഷം അനധികൃതമായി രാജ്യത്ത് താമസിക്കുന്നവരെയും സ്പോണ്സര്മാരില് നിന്ന് ഒളിച്ചോടിയവരെയുമൊക്കെ പിടികൂടുകയാണ്.