പത്തനംതിട്ട: തിരുവല്ലയിൽ തൊഴിലാളിയെ കരാറുകാർ അടിച്ചു കൊന്നു(Worker Killed In Thiruvalla). തിരുവല്ല കല്ലൂപ്പാറയിലാണ് സംഭവം. മാർത്താണ്ഡം സ്വദേശിയായ തൊഴിലാളിയെയാണ് കരാറുകാർ അടിച്ചു കൊന്നത്. സംഭവത്തിൽ രണ്ടു കരാറുകാരെ പോലീസ് കസ്റ്റഡിയിലെടുത്തു.
കല്ലൂപ്പാറ എൻജിനീയറിങ് കോളജിന് സമീപം കെട്ടിടം പണിക്ക് വന്ന മാർത്താണ്ഡം സ്വദേശി സ്റ്റീഫനെയാണ് (40) കരാറുകാർ അടിച്ചുകൊന്നത്. കരാറുകാരായ സുരേഷ്, ആൽബിൻ ജോസ് എന്നിവർ ചേർന്ന് രാത്രിയിൽ സ്റ്റീഫനെ മർദ്ദിക്കുകയായിരുന്നു. ഗുരുതരമായി പരുക്കേറ്റ സ്റ്റീഫനെ പുലർച്ചെ നാല് മണിയോടെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
