ലഖ്നൗ: ഉത്തർപ്രദേശിൽ വീണ്ടും യോഗി തുടർഭരണം എന്ന് ഉറപ്പിച്ചതോടെ സന്തോഷം പങ്കുവെച്ച് കേന്ദ്ര മന്ത്രി ജിതിൻ പ്രസാദ. ഉത്തർ പ്രദേശിലെ വോട്ടർമാർ യോഗി സർക്കാരിനൊപ്പമെന്ന് ജിതിൻ പ്രസാദ പറഞ്ഞു.
അതേസമയം ഉത്തർ പ്രദേശിൽ ബിജെപി തരംഗമാണെന്നും അദ്ദേഹം പറഞ്ഞു. യുപിയിൽ അഞ്ചുവർഷം ക്രമസമാധാന പാലനത്തിനൊപ്പം വികസനവും നടപ്പാക്കിയ യോഗി സർക്കാരിനൊപ്പമാണ് വോട്ടർമാരെന്ന് സ്വകാര്യ മാധ്യമത്തോട് ജിതിൻ പ്രസാദ വ്യക്തമാക്കി.
തിങ്കളാഴ്ച്ച നടന്ന എക്സിറ്റ് പോളുകള് പറയുന്നത് ബിജെപി തൂത്തുവാരും എന്നാണ്. ഇതുകൂടാതെ എല്ലാവരും പ്രവചിക്കുന്നത് ബിജെപിയുടെ വിജയമാണ്. മാത്രമല്ല യുപിയിലെ യോഗിയുടെ മികച്ച ഭരണത്തിനാണ് ജനം വോട്ട് ചെയ്തതെന്നും ജിതിന് പ്രസാദ കൂട്ടിച്ചേർത്തു.
നാളെയാണ് രാജ്യം പ്രതീക്ഷയോടെ കാത്തിരിക്കുന്ന ഉത്തർ പ്രദേശ് തെരഞ്ഞെടുപ്പ് ഫലം. ഉത്തർ പ്രദേശ് ഉൾപ്പെടെ നാല് സംസ്ഥാനങ്ങളിലും ബിജെപിക്ക് അനുകൂലമായാണ് അഭിപ്രായ സർവേ ഫലങ്ങൾ. കൂടാതെ പഞ്ചാബിൽ കോൺഗ്രസിന്റെ തകർച്ചയാണ് പ്രവചിക്കപ്പെടുന്നത്.