ഷൊർണ്ണൂർ: മാരക മയക്കുമരുന്നായ എം.ഡി.എം.എയുമായി യുവാവ് പിടിയിൽ. ഇയാൾ എറണാകുളത്തു നിന്ന് കാസർഗോഡേക്ക് ട്രെയിനിൽ യാത്ര ചെയ്യുകയായിരുന്ന യുവാവിനെ ഷൊർണൂർ റെയിൽവേ സ്റ്റേഷനിൽ നിന്നാണ് പിടികൂടിയത്.
സംഭവത്തിൽ കാസർഗോഡ് സ്വദേശി അഹമ്മദ് സാദിഖ്നെ (23) അറസ്റ്റ് ചെയ്തു. ഇയാളിൽ നിന്നും 234 മില്ലിഗ്രാം എം.ഡി.എം.എയാണ് പിടിച്ചെടുത്തത്. ഷൊർണൂർ റെയിൽവേ സ്റ്റേഷനിൽ പട്ടാമ്പി എക്സൈസ് റേഞ്ചും റെയിൽവേ സംരക്ഷണ സേനയും സംയുക്തമായി നടത്തിയ പരിശോധനയിലാണ് പ്രതിയെ പിടികൂടിയത്.
പട്ടാമ്പി എക്സൈസ് റേഞ്ച് ഇൻസ്പെക്ടർ പി. ഹരീഷ്, കെ. വസന്തകുമാർ, മണിക്കുട്ടൻ, കെ. മണികണ്ഠൻ, ആർ.പി.എഫ് എസ്.ഐ ഷാജു തോമസ്, ഹെഡ് കോൺസ്റ്റബിൾ കെ.ആർ. മുരുകേശൻ എന്നിവരാണ് യുവാവിനെ പിടികൂടിയത്. ഇയാളെ കോടതിയിൽ ഹാജരാക്കി.
