ബ്ലാക്ക് മെയില്‍ കേസില്‍ നടി ഷംനാ കാസിമിന് വുമണ്‍ ഇന്‍ സിനിമാ കളക്ടീവിന്റെ പൂര്‍ണ പിന്തുണ. നിലവില്‍ നടി സഹായം ആവശ്യപ്പെട്ടിട്ടില്ലെന്നും നടിക്കും മറ്റ് മോഡലുകള്‍ക്കും സഹായം നല്‍കാന്‍ സന്നദ്ധമാണെന്നും ഡബ്ലുസിസി ഭാരവാഹി ആശാ ജോസഫ് പറഞ്ഞു.
സിനിമയില്‍ മാഫിയാ സംഘങ്ങള്‍ പിടിമുറുക്കുന്നത് അത്യന്തം അപലപനീയമാണ്. സിനിമാ മേഖലയിലെ ഇത്തരം പ്രശ്‌നങ്ങള്‍ പഠിച്ച് സര്‍ക്കാറിന് സമര്‍പ്പിച്ച ഹേമാ കമ്മീഷന്‍ റിപ്പോര്‍ട്ട് നടപ്പാക്കിയാല്‍ മേഖലയിലെ പ്രശ്‌നങ്ങള്‍ ഒരു പരിധിവരെ അവസാനിപ്പിക്കാനാകുമെന്നും ആശാ ജോസഫ് പറഞ്ഞു
സിനിമാ മേഖലയില്‍ കാര്യമായ മാറ്റങ്ങള്‍ ഉണ്ടാക്കിയേക്കാവുന്ന ഹേമാ കമ്മീഷന്‍ റിപ്പോര്‍ട്ട് മാസങ്ങള്‍ക്ക് മുന്‍പേ സര്‍ക്കാറിന് സമര്‍പ്പിച്ചെങ്കിലും ഇതുവരെ അംഗീകരിക്കപ്പെട്ടിട്ടില്ല
