വാളയാര്‍: ഈമാസം ഒന്‍പതിന് വാളയാറില്‍ പോയവര്‍ ക്വാറന്റൈനില്‍ പോകണമെന്ന നിര്‍ദേശവുമായി സര്‍ക്കാര്‍. 3 എംപിമാരും 2 എംഎല്‍എമാരും അടക്കം 400 പേരാണ് ക്വാറന്റീനില്‍ പോകാന്‍ നിര്‍ദേശം നല്‍കിയത്. വി.കെ ശ്രീകണ്ഠന്‍, ടി.എന്‍ പ്രതാപന്‍, രമ്യാഹരിദാസ് എന്നീ എംപിമാരും അനില്‍ അക്കര, ഷാഫി പറമ്പില്‍ എന്നീ എംഎല്‍എമാരും അടക്കം 400 പേരാണ് ക്വാറന്റീനില്‍ പോകാന്‍ നിര്‍ദേശം നല്‍കിയത്.
ആ ദിവസം വാളയാറില്‍ കുഴഞ്ഞവീണയാള്‍ക്ക് രോഗം സ്ഥിരീകരിച്ച സാഹചര്യത്തിലാണിത്. 50 മാധ്യമപ്രവര്‍ത്തകരും 100 പൊലീസുകാരും പട്ടികയില്‍ ഉണ്ട്. ഔദ്യോഗിക വിവരം കിട്ടിയിട്ടില്ലെന്ന് വി.കെ.ശ്രീകണ്ഠന്‍ പറഞ്ഞു. ഇത്രനാളും പ്രൈമറി കോണ്‍ടാക്റ്റില്‍ ഉള്ളവരാണ് ക്വാറന്റൈനില്‍ പോയിക്കൊണ്ടിരുന്നത്. ഏതായാലും സര്‍ക്കാര്‍ പറഞ്ഞത് അനുസരിക്കാനുള്ള ബാധ്യതയുണ്ടെന്നും അദ്ദേഹം പറഞ്ഞു.
