മുംബൈ: കോവിഡ് വകഭേദമായ ഡെല്റ്റ പ്ലസ് ബാധിച്ച് മഹാരാഷ്ട്രയില് മൂന്ന് മരണം. രത്നഗിരി, മുംബൈ, റായ്ഗഡ് എന്നിവിടങ്ങളിലാണ് മരണം റിപ്പോര്ട്ട് ചെയ്തത്. മുംബൈയില് മരിച്ച സ്ത്രീ രണ്ട് ഡോസ് വാക്സിന് എടുത്തിരുന്നുവെങ്കിലും മറ്റ് അസുഖങ്ങള് ഉണ്ടായിരുന്നതായാണ് റിപ്പോര്ട്ടുകള്. സംസ്ഥാനത്ത് ഡെല്റ്റ പ്ലസ് വകഭേദം മൂലമുള്ള കേസുകള് 65 ആയി വര്ധിച്ചതായി മഹാരാഷ്ട്ര ആരോഗ്യ വകുപ്പ് അറിയിച്ചിരുന്നു.
പുതിയതായി തിരിച്ചറിഞ്ഞ 20 രോഗികളില് ഏഴ് പേര് മുംബൈയിലാണ്. പുണൈയില് മൂന്ന്, നന്ദേഡ്, ഗോണ്ടിയ, റായ്ഗഡ്, പാല്ഘര് എന്നിവിടങ്ങളില് രണ്ട് വീതം, ചന്ദ്രാപുരിലും അകോലയിലും ഓരോ രോഗികളുമാണുള്ളതെന്ന് മഹാരാഷ്ട്ര ആരോഗ്യ വകുപ്പിന്റെ കണക്കുകള് വ്യക്തമാക്കുന്നു. ഡെല്റ്റ പ്ലസ് വകഭേദം ബാധിച്ചവരില് അധികവും 19 നും 45 നും ഇടയില് പ്രായമുള്ളവരാണ്. ഈ വിഭാഗത്തില് നിന്ന് 33 പേര്ക്ക് ഡെല്റ്റ പ്ലസ് വകഭേദം ബാധിച്ചു. 46 മുതല് 60 വയസ്സുവരെയുള്ള പ്രായമുള്ളവരില് 17 രോഗികളുണ്ട്. 18 വയസ്സിന് താഴെയുള്ള പേര്ക്കും 60 വയസ്സിന് മുകളിലുള്ള എട്ട് പേര്ക്കും ഡല്റ്റ പ്ലസ് ബാധിച്ചിട്ടുണ്ടെന്നും കണക്കുകള് സൂചിപ്പിക്കുന്നു.
അതേസമയം രാജ്യത്ത് കഴിഞ്ഞ 24 മണിക്കൂറിനിടെ 40,120 പേർക്ക് കൊവിഡ് സ്ഥിരീകരിച്ചു. ഇതോടെ രാജ്യത്ത് രോഗബാധ സ്ഥിരീകരിച്ചവരുടെ എണ്ണം 3,21,17,826 ആയി ഉയര്ന്നു. അതേസമയം, രാജ്യത്ത് വീണ്ടും സജ്ജീവ രോഗികളുടെ എണ്ണത്തിൽ നേരിയ കുറവ് ഉണ്ടായിട്ടുണ്ട്. 3,85,227 ആക്ടീവ് കൊവിഡ് കേസുകളാണ് നിലവിൽ രാജ്യത്തുള്ളത്. 2.04 ശതമാനമാണ് ടെസ്റ്റ് പോസിറ്റിവിറ്റി നിരക്ക്. 3,85,227 പേർ ചികിത്സയിലുണ്ടെന്നാണ് ആരോഗ്യമന്ത്രാലയത്തിന്റെ കണക്കുകൾ വ്യക്തമാക്കുന്നത്.
പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona