ശ്രീനഗർ: മഞ്ഞുവീഴ്ചയിൽ അകപ്പെട്ട് ദുരിതത്തിലായ ഗർഭിണിയെ സുരക്ഷിതമായി ആശുപത്രിയിൽ എത്തിച്ച് ഇന്ത്യൻ സൈന്യം. ജമ്മുകശ്മീരിലെ ചതൗലി ഗ്രാമത്തിൽ കനത്ത മഞ്ഞുവീഴ്ചയെ തുടർന്ന് ആശുപത്രിയിൽ പോകാൻ സാധിക്കാതിരുന്നതോടെ മിശ്രാ ബീഗമെന്ന യുവതി സൈന്യത്തിന്റെ സഹായം അഭ്യർത്ഥിക്കുകയായിരുന്നു .
വിവരം ലഭിച്ച ഉടൻ തന്നെ പരോയിലെ കരസേനയുടെ ചിനാർ കോർപ്‌സ് സംഘമെത്തി യുവതിയെ ആശുപത്രിയിൽ എത്തിച്ചു. മഞ്ഞ്‌വീഴ്ച പ്രതികുലമായിട്ടും റോഡ് ബുദ്ധിമുട്ടുകൾ വകവയ്‌ക്കാതെയും യുവതിയെയും ചുമലിലേറ്റി കിലോമീറ്ററോളം നടന്നാണ് യുവതിയെ സൈന്യം പ്രാഥമിക ആരോഗ്യ കേന്ദ്രത്തിൽ എത്തിച്ചത്.
