ദില്ലി: ബോളിവുഡ് നടൻ സോനു സൂദ് 20 കോടിയുടെ നികുതിവെട്ടിപ്പ് നടത്തിയെന്ന് ആദായ നികുതി വകുപ്പ്. തുടർച്ചയായി മൂന്നു ദിവസം അദ്ദേഹത്തിന്റെ വീട്ടിൽ പരിശോധന നടത്തിയ ശേഷമാണ് ആദായനികുതി വകുപ്പ് ഇക്കാര്യം അറിയിച്ചത്.
സോനുവും സഹായികളും ചേര്ന്ന് നികുതി വെട്ടിച്ചതിന്റെ തെളിവുകള് കണ്ടെത്തിയെന്നാണ് അധികൃതര് വ്യക്തമാക്കുന്നത്. സോനു സൂദിന്റെ നേതൃത്വത്തിലുള്ള എന്ജിഒ വിദേശരാജ്യത്ത് നിന്ന് ക്രൗഡ് ഫണ്ടിങ്ങിലൂടെ 2.1 കോടി സ്വരൂപിച്ചത് ചട്ടങ്ങളുടെ ലംഘനമാണെന്നും ആദായ നികുതി വകുപ്പ് വ്യക്തമാക്കി. സോനു സൂദിന്റെ കമ്പനിയും ലഖ്നൗ ആസ്ഥാനമാക്കി പ്രവര്ത്തിക്കുന്ന റിയല് എസ്റ്റേറ്റ് കമ്പനിയും തമ്മില് അടുത്തിടെ നടത്തിയ കരാര് ആദായനികുതി വകുപ്പ് രഹസ്യമായി നിരീക്ഷിച്ചിരുന്നതായി വകുപ്പ് വൃത്തങ്ങള് സൂചന നല്കി.
2012ലും നികുതിപ്പണം വെട്ടിച്ചതു സംബന്ധിച്ച് ആദായ നികുതി വകുപ്പു സോനു സൂദിന്റെ ഓഫിസുകളിൽ പരിശോധന നടത്തിയിട്ടുണ്ട്. അതേസമയം വിഷയത്തിന് രാഷ്ട്രീയബന്ധമില്ലെന്ന് ബിജെപി പ്രതികരിച്ചു.