ദില്ലി: പ്രധാനമന്ത്രി നരേന്ദ്രമോദിക്ക് വീണ്ടും ക്ലീന് ചിറ്റ് നല്കി കേന്ദ്ര തെരഞ്ഞെടുപ്പ് കമ്മീഷന്. ബലാകോട്ട് മിന്നലാക്രമണത്തെ പരാമര്ശിച്ച് പ്രസംഗിച്ച സംഭവത്തിലാണ് ക്ലീന് ചിറ്റ് നല്കിയത്. വോട്ടെടുപ്പ് ദിവസം അഹമ്മദാബാദില് റോഡ് ഷോ നടത്തിയെന്ന പരാതിയിലും കമ്മീഷന് ക്ലീന് ചിറ്റ് നല്കി. എട്ടാമത്തെ പരാതിയിലാണ് ക്ലീന് ചിറ്റ് നല്കിയത്. കഴിഞ്ഞ ഏഴ് പരാതികളിലും തെരഞ്ഞെടുപ്പ് കമ്മീഷന് മോദിക്ക് ക്ലീന് ചിറ്റ് നല്കിയിരുന്നു.
അതേസമയം എട്ടാമത്തെ പരാതിയില് മോദിക്ക് ക്ലീന് ചിറ്റ് നല്കുന്നതിനെ കമ്മീഷണര് അശോക് ലവാസ എതിര്ത്തു. തെരഞ്ഞെടുപ്പ് കമ്മീഷന് പക്ഷാപാത പരമായ നിലപാടെടുക്കുന്നുവെന്ന് കോണ്ഗ്രസ് അരോപണം ഉന്നയിക്കുന്നതിനിടെയാണ് വീണ്ടും കമ്മീഷന് മോദിയ്ക്ക് ക്ലീന് ചിറ്റ് നല്കിയിരിക്കുന്നത്. പുല്വാമ ഭീകരാക്രമണത്തില് കൊല്ലപ്പെട്ട സൈനികരുടെ പേരില് വോട്ടു ചോദിച്ചെന്ന കോണ്ഗ്രസിന്റെ പരാതിയിലും മോദിക്ക് തെരഞ്ഞെടുപ്പ് കമ്മിഷന് ക്ലീന് ചിറ്റ് നല്കിയിരുന്നു.
എന്നാല് പ്രധാനമന്ത്രിക്ക് വിവാദപ്രസംഗങ്ങളില് തുടര്ച്ചയായി ക്ളീന് ചിറ്റ് നല്കുന്ന തെരഞ്ഞെടുപ്പ് കമ്മീഷന്റെ നടപടിക്കെതിരെ കോണ്ഗ്രസ് സുപ്രീംകോടതിയെ സമീപിച്ചിരിക്കുകയാണ്.
