ചെന്നൈ ∙ മദ്രാസ് ഐഐടിയിൽ വീണ്ടും വിദ്യാർത്ഥി ആത്മഹത്യ.രണ്ടാംവർഷ ബിടെക് വിദ്യാർത്ഥിയായ മധ്യപ്രദേശ് സ്വദേശി കേദാർ സുരേഷിനെയാണ് ഹോസ്റ്റൽ മുറിയിൽ തൂങ്ങിമരിച്ച നിലയിൽ കണ്ടെത്തിയത്. ഇയാൾ കെമിക്കൽ എൻജിനീയറിങ് വിഭാഗം വിദ്യാർത്ഥിയാണ്. മദ്രാസ് ഐഐടിയിൽ ഈ വർഷം റിപ്പോർട്ട് ചെയ്യപ്പെടുന്ന നാലാമത്തെ ആത്മഹത്യയാണിത്.
ഈ മാസം ബംഗാൾ സ്വദേശിയായ മുപ്പത്തിരണ്ടുകാരനായ പിഎച്ച്ഡി വിദ്യാർത്ഥിയും ഹോസ്റ്റൽ മുറിയിൽ ജീവനൊടുക്കിയിരുന്നു. കഴിഞ്ഞ മാസം മൂന്നാം വർഷ വിദ്യാർത്ഥിയായ ആന്ധ്രയിൽനിന്നുള്ള ഇരുപതുകാരനും ഫെബ്രുവരിയിൽ മഹാരാഷ്ട്ര സ്വദേശിയായ ഗവേഷക വിദ്യാർർത്ഥിയും ക്യാംപസിൽ ആത്മഹത്യ ചെയ്തിരുന്നു.
