അബുദാബി: യുഎഇ ഗോള്ഡന് വിസ സ്വീകരിച്ച് നിർമ്മാതാവ് ആൻണി പെരുമ്പാവൂർ. അബുദാബി ചേംബർ ഓഫ് കോമേഴ്സ് ആസ്ഥാനത്ത് വെച്ചാണ് ചടങ്ങ് നടന്നത്. ആന്റണി തന്നെയാണ് ഇക്കാര്യം സമൂഹമാധ്യമങ്ങളിലൂടെ പങ്കുവച്ചത്.
അതേസമയം വിസ നൽകിയതിന് യുഎഇയിലെ അധികൃതർക്ക് അദ്ദേഹം നന്ദി അറിയിച്ചു. തുടർന്ന് വിസ നൽകിയതിന് യുഎഇയിലെ അധികൃതർക്ക് അദ്ദേഹം നന്ദി അറിയിച്ചു. മാത്രമല്ല മോഹൻലാലിനും മലയാള സിനിമയ്ക്കും ആശിർവാദ് സിനിമാസിനും നന്ദി അറിയിക്കുന്നുവെന്നും ആന്റണി പെരുമ്പാവൂർ സോഷ്യൽ മീഡിയയിൽ കുറിച്ചു. നിരവധിപേരാണ് അദ്ദേഹത്തിന് ആശംസ അറിയിച്ചത്. മാത്രമല്ല നിർമ്മാതാവായും നടനായും മലയാള സിനിമയിൽ സജീവമാണ് ആൻണി പെരുമ്പാവൂർ.
ചടങ്ങിൽ അബുദാബി സാംസ്കാരിക വിനോദസഞ്ചാര വകുപ്പിലെ ഗവൺമെന്റ് അഫയേഴ്സ് തലവൻ ബാദ്രേയ്യ അൽ മസ്റൂയാണ് ആന്റണി പെരുമ്പാവൂരിന് ഗോൾഡൻ വിസ കൈമാറിയത്. അബുദാബി ചേംബർ വൈസ് ചെയർമാനും ലുലുഗ്രൂപ്പ് ചെയർമാനുമായ എം.എ.യൂസഫലി, അബുദാബി ചേംബർ ഡയറക്ടർ ജനറൽ മുഹമ്മദ് ഹിലാൽ അൽ മെഹരി എന്നിവരും ചടങ്ങിന് സാക്ഷ്യം വഹിച്ചു.

