പത്തനംതിട്ട: ബിവറേജിന് മുന്നില് മണിക്കൂറുകളോളം വരി നിന്ന് മദ്യം വാങ്ങി വരുന്നവരെ പുറത്ത് വേഷം മാറി നിന്നുകൊണ്ട് എക്സൈസ് ഉദ്യോഗസ്ഥര് പിടികൂടുകയും ഉപദ്രവിക്കുകയും ചെയ്യുന്നതായി പരാതി.മാത്രമല്ല, ഇവരുടെ പക്കലുള്ള മദ്യക്കുപ്പികള് വാങ്ങിവയ്ക്കുകയും ഇവര്ക്കെതിരെ കേസ് എടുക്കുകയും ചെയ്യുന്നു.മൂന്നു ലിറ്റര് മദ്യം വരെ ഒരു സമയം ഒരാള്ക്ക് വാങ്ങാമെന്നിരിക്കെയാണ് ഇത്.ബില്ല് കാണിച്ചാലും രക്ഷയില്ലെന്നാണ് ഇവിടുത്തെ സ്ഥിതി.
അനുവദിക്കപ്പെട്ട മൂന്നു ലിറ്റര് മദ്യം ആറ് അരലിറ്ററായി വാങ്ങുന്നവരെയാണ് ഇങ്ങനെ എക്സൈസ് വകുപ്പ് ഉദ്യോഗസ്ഥര് കൂടുതലായും പിടികൂടുന്നത്.ഇത് ബ്ലാക്കില് വില്ക്കാന് വേണ്ടിയാണെന്നാണ് അവരുടെ ഭാഷ്യം.ഏന്നാല് കേസുകളിലെ തങ്ങളുടെ ‘മാസക്വോട്ട’ തികയ്ക്കാനാണ് ഇതെന്നാണ് നാട്ടുകാരുടെ ആരോപണം.
