മുംബൈ: ഷാരൂഖ് ഖാന് നായകനാകുന്ന പഠാന് ചിത്രത്തെ പറ്റി നിരവധി ട്രോളുകളും വിവാദങ്ങളുമാണ് ഉയരുന്നത്.ജനുവരി 25നാണ് ചിത്രം റിലീസ് ചെയ്യാന് ഇരുന്നത്.അതിനിടയിലാണ് ചിത്രം വിവാദങ്ങളിൽപെടുന്നത്.സിനിമയില് ചില മാറ്റങ്ങള് ആവശ്യമാണെന്ന് കേന്ദ്ര സെന്സര് ബോര്ഡ് വ്യക്തമാക്കിയത്.സെന്ട്രല് ബോര്ഡ് ഓഫ് ഫിലിം സര്ട്ടിഫിക്കേഷന് ആണ് ചിത്രത്തിന്റെ നിര്മ്മാതാക്കള്ക്ക് നിർദ്ദേശം നല്കിയത് എന്നാണ് റിപ്പോര്ട്ട്.ചിത്രത്തിലെ ചില ഭാഗങ്ങളില് ഗാനങ്ങളില് അടക്കം മാറ്റം വരുത്തി ചിത്രം വീണ്ടും സര്ട്ടിഫിക്കേഷന് സമര്പ്പിക്കാന് സിബിഎഫ്സി ചെയര്പേഴ്സണ് പ്രസൂണ് ജോഷി നിര്ദേശിച്ചുവെന്നാണ് എഎന്ഐയുടെ റിപ്പോര്ട്ട് പറയുന്നത്.
നാല് വര്ഷം നീണ്ട ഇടവേളയ്ക്കു ശേഷം എത്തുന്ന ഷാരൂഖ് ഖാന് ചിത്രം എന്ന പേരില് വലിയ പ്രീ റിലീസ് ഹൈപ്പ് ഉയര്ത്തിയ ചിത്രമായിരുന്നു പഠാന്. എന്നാൽ നാളുകൾക്ക് മുൻപ് ചിത്രത്തിലെ ബെഷ്റം രംഗ് എന്ന ആദ്യഗാനം റിലീസ് ചെയ്തതോടെ വിവാദങ്ങൾ പൊട്ടിപ്പുറപ്പെടുക ആയിരുന്നു.പിന്നാലെ ചിത്രം പ്രദർശിപ്പിക്കരുതെന്നും ബഹിഷ്കരിക്കണമെന്നുമുള്ള ആഹ്വാനങ്ങൾ ഉയർന്നു. എന്നാല് വിവാദങ്ങള് ഒരു വഴിക്ക് പുരോഗമിക്കുമ്പോള് ചിത്രം ഉണ്ടാക്കുന്ന ഹൈപ്പില് ചിത്രത്തിന്റെ പോസ്റ്റ് റിലീസ് ബിസിനസ് നന്നായി നടക്കുന്നു എന്നാണ് റിപ്പോര്ട്ട്. ഒരു പ്രധാന അപ്ഡേറ്റ് പ്രകാരം പഠാന്റെ ഒടിടി അവകാശങ്ങൾ ഇതിനകം തന്നെ കോടികൾക്ക് വിറ്റുപോയതായാണ് പുതിയ റിപ്പോര്ട്ട്.