ബെയ്‌ജിങ്‌ : കൊവിഡ് വ്യാപനം ചൈനയെ വരിഞ്ഞു മുറുക്കിയിരിക്കുകയാണ് ഓരോ ദിവസം കൂടും തോറും സ്ഥിതി മോശമായി വരുകയാണ്. ബെയ്‌ജിങ്‌ലെ “ടോപ്പ് ടയർ ലെവൽ എ” ഹോസ്പിറ്റലിൽ ഓക്സിജൻ ടാങ്കുകൾ തീർന്നതായി എപ്പിഡെമിയോളജിസ്റ്റ് ആയ എറിക് ഫീഗ്ൽ-ഡിംഗ് അവകാശപ്പെട്ടു.ഒരു ആശുപത്രിയിൽ മൃതദേഹങ്ങൾ നിരത്തിവെച്ചിരിക്കുന്നതായി കാണിക്കുന്ന വീഡിയോ അദ്ദേഹം വീണ്ടും റീട്വീറ്റ് ചെയ്തു.
ആശുപത്രി മോർച്ചറികൾ കവിഞ്ഞൊഴുകുകയാണെന്നും മരുന്നുകളുടെയും രക്തത്തിന്റെയും ക്ഷാമമുണ്ടെന്നും അദ്ദേഹം പറഞ്ഞു. പ്രായമായവരിൽ മരണസംഖ്യ കുതിച്ചുയരുകയാണെന്നും അദ്ദേഹം അവകാശപ്പെട്ടു. കൊവിഡിന്റെ മോശമായ അവസ്ഥ ഇനിയും വരാനിരിക്കുന്നതേയുള്ളൂ’ എന്നും അദ്ദേഹം കുറിച്ചു. എന്നിട്ടും ഔദ്യോഗിക മരണങ്ങൾ 0 എന്നാണ് കാണിക്കുന്നത്.
