കൊച്ചി- നടനും തിരക്കഥാകൃത്തുമായ രഞ്ജി പണിക്കർക്ക് വീണ്ടും തീയറ്റർ ഉടമകളുടെ വിലക്ക്. പുതിയ ചിത്രമായ എ രഞ്ജിസിനിമ തീയറ്ററുകളിൽ പ്രദർശിപ്പിക്കില്ല. രഞ്ജി പണിക്കർക്ക് പങ്കാളിത്തമുള്ള വിതരണ കമ്പനി കുടിശിക നല്കാനുണ്ടെന്നാണ് ഫിയോക് അറിയിച്ചത്. കുടിശിക തീർക്കുന്നത് വരെ രൺജിയുടെ സിനിമകളുമായി സഹകരിക്കില്ലെന്ന് ഫിയോക് അറിയിച്ചു.
കഴിഞ്ഞ ഏപ്രിൽ മാസവും രഞ്ജി പണിക്കർക്കെതിരെ ഫിയോക് സംഘടന വിലക്ക് ഏർപ്പെടുത്തിയിരുന്നു. രൺജി പണിക്കര് അഭിനയിച്ചതോ മറ്റ് ഏതെങ്കിലും തരത്തില് പങ്കാളി ആയിട്ടുളളതോ ആയ ചിത്രങ്ങൾ അടക്കമാണ് തിയറ്റര് ഉടമകളുടെ സംഘടന നിസ്സകരണം പ്രഖ്യാപിച്ചത്.
വിലക്ക് നിലനിൽക്കെ തന്നെ രൺജി പ്രധാനവേഷത്തിലെത്തിയ സെക്ഷൻ 306 ഐ.പി.സി എന്ന ചിത്രം ഏപ്രില് എട്ടിന് റിലീസ് ചെയ്യുകയും ചെയ്തു.