കോഴിക്കോട്: മുസ്ലിം ലീഗ്, എം.എസ്.എഫ് നേതൃത്വത്തിനെതിരെ രൂക്ഷ വിമര്‍ശനവുമായി ‘ഹരിത’ മുന്‍ നേതാക്കള്‍. വലിയ തോതില്‍ സൈബര്‍ അറ്റാക് നേരിടുന്നെന്നും പാര്‍ട്ടിക്ക് പരാതി കൊടുത്ത് 50 ദിവസം കഴിഞ്ഞാണ് വനിതാ കമ്മീഷനെ സമീപിച്ചതെന്നും മുഫീദ തസ്നി പറഞ്ഞു. മുന്‍ സംസ്ഥാന പ്രസിഡന്‍റ് മുഫീദ തസ്നിയും മുന്‍ സംസ്ഥാന ജനറല്‍ സെക്രട്ടറി നജ്മ തബ്ഷീറയുമടക്കം നേതാക്കളാണ് വാര്‍ത്താ സമ്മേളനത്തില്‍ പങ്കെടുത്തത്.
നവാസിന്‍റെ പരാമര്‍ശം ലൈംഗികാധിക്ഷേപം തന്നെയാണെന്നും വാര്‍ത്താ സമ്മേളനത്തില്‍ നേതാക്കള്‍ ആവര്‍ത്തിച്ചു. ഹരിതയുടെ പെണ്‍കുട്ടികള്‍ പ്രസവിക്കാന്‍ താത്പര്യമില്ലാത്തവരാണെന്ന് എംഎസ്‌എഫ് നേതാക്കള്‍ പറഞ്ഞു നടന്നു. സൈബര്‍ ഗുണ്ടയുടെ കയ്യില്‍ ഞ്ഞങ്ങളുടെ ചിത്രങ്ങളും മറ്റും ഉണ്ടെന്ന് പറഞ്ഞു. മുന്‍ ഹരിത നേതാക്കള്‍ പറഞ്ഞു.
വായനയിലൂടെയും ഇടപെടലിലൂടെയും ഞങ്ങള്‍ ജീവിതത്തില്‍ ഇതുവരെ ഉണ്ടാക്കിയിട്ടുള്ള കാപിറ്റലിനെ റദ്ദ് ചെയ്തുകൊണ്ട് ആരോ പറയുന്ന വാക്കുകള്‍ക്ക് ചാടിക്കളിക്കുന്ന കുരങ്ങന്‍മാരായി ഞങ്ങളെ അവതരിപ്പിക്കാന്‍ ശ്രമിക്കുന്നത് നീതീകരിക്കാനാവില്ലെന്നും അവര്‍ വ്യക്തമാക്കി.
