കൊട്ടാരക്കര: വീടിനു മുകളിലേക്കു മിനി ലോറി ഇടിച്ചിറങ്ങി.അപകടത്തിൽ വീടിന്റെ മേൽകൂരയും
ഭിത്തിയും തകർന്നു.വെള്ളാരംകുന്നിൽ ചിത്ര ഭവനിൽ അനിരുദ്ധന്റെ വീടിനു മുകളിലേക്കാണ് ലോറി ഇടിച്ചിറങ്ങിയത്.റോഡ് പണിക്ക് നിർമ്മാണ സാമിഗ്രികളുമായെത്തിയ മിനി ലോറിയാണ് അപകടത്തിൽപ്പെട്ടത്.
മൈലം വെള്ളാരംകുന്നിൽ ആണ് അപകടമുണ്ടായത്.അപകടം നടന്ന സമയത്ത് വീട്ടുകാർ കുട്ടിയുമായി
ആശുപത്രിയിൽ പോയിരുന്നതിനാലും ലോറി കുറച്ചുകൂടി മുന്നോട്ട് പോകാതിരുന്നതിനാലും വലിയ
അപകടം ആണ് ഒഴിവായത്. റോഡിൽ നിന്നും താഴ്ചയിൽ നിൽക്കുന്ന വീടാണ്. ബ്രേക്ക് നഷ്ടപ്പെട്ടതാണ് മിനിലോറി നിയന്ത്രണം വിടാൻ കാരണമെന്നാണ് നിഗമനം.