ആരോഗ്യ പരിരക്ഷയും ലോകത്തിലെ ഏറ്റവും വലിയ ആരോഗ്യ സംരംഭമായ ആയുഷ്മാൻ ഭാരത് പദ്ധതിയും മുന്നോട്ട് കൊണ്ടുപോകുന്നതിന് ഇന്ത്യക്ക് ലോകാരോഗ്യ സംഘടന ഡയറക്ടർ ജനറൽ ഡോ ടെഡ്രോസ് അദാനോം ഗെബ്രിയേസസിന്റെ പ്രശംസ. ഗുജറാത്തിലെ ഗാന്ധിനഗറിൽ നടന്ന ജി 20 ആരോഗ്യ മന്ത്രിമാരുടെ യോഗത്തിന്റെ ഉദ്ഘാടന ചടങ്ങിൽ പങ്കെടുത്ത് സംസാരിക്കുന്നതിനിടെയാണ് ടെഡ്രോസ് രാജ്യം നടപ്പിലാക്കിയ പദ്ധതികൾ എണ്ണിപ്പറഞ്ഞ് അഭിനന്ദിച്ചത്.
“സാർവത്രിക ആരോഗ്യ പരിരക്ഷയും ലോകത്തിലെ ഏറ്റവും വലിയ ആരോഗ്യ സംരംഭമായ ആയുഷ്മാൻ ഭാരത് പദ്ധതിയും മുന്നോട്ട് കൊണ്ടുപോകുന്നതിലെ ഇന്ത്യയുടെ ചുവടുകൾക്ക് ഞാൻ അഭിനന്ദിക്കുന്നു. ഞാൻ ഇവിടെ ഗാന്ധിനഗറിലെ ഒരു ഹെൽത്ത് സെന്റർ സന്ദർശിച്ചു, 1000 കുടുംബങ്ങൾക്ക് നൽകുന്ന പ്രാഥമിക ആരോഗ്യ സേവനങ്ങളിൽ ഞാൻ മതിപ്പുളവാക്കി, പ്രാദേശികമായി കുറിപ്പടികളും ചികിത്സയും നൽകുന്ന ടെലിമെഡിസിൻ സേവനങ്ങളെ ഞാൻ അഭിനന്ദിക്കുന്നു. ആരോഗ്യപരിരക്ഷയെ മാറ്റിമറിക്കുന്നതിന്റെ മികച്ച ഉദാഹരണമാണിത്. നാളെ ആരംഭിക്കുന്ന ഗ്ലോബൽ ഡിജിറ്റൽ ഹെൽത്ത് ഇനിഷ്യേറ്റീവിൽ നേതൃത്വം നൽകിയതിന് ഇന്ത്യ ജി20 അദ്ധ്യക്ഷതയെ ഞാൻ നന്ദി പറയുന്നു” – ടെഡ്രോസ് പറഞ്ഞു.
ഗാന്ധിനഗറിൽ നടക്കുന്ന ജി 20 ആരോഗ്യ മന്ത്രിമാരുടെ യോഗത്തിലും ഇതിനോടനുബന്ധിച്ച് നടന്ന മറ്റ് പരിപാടികളിലും വിവിധ രാജ്യങ്ങളിൽ നിന്നുള്ള 70 ലധികം പ്രതിനിധികൾ പങ്കെടുക്കുന്നുണ്ടെന്ന് കേന്ദ്ര ആരോഗ്യ മന്ത്രി മൻസുഖ് മാണ്ഡവ്യ പറഞ്ഞിരുന്നു. ആഗസ്റ്റ് 17 ന് ഗുജറാത്തിലെ ഗാന്ധിനഗറിൽ ആരംഭിച്ച ജി20 ആരോഗ്യ മന്ത്രിമാരുടെ യോഗം ഇന്നലെയാണ് അവസാനിച്ചത്.
