Friday, March 29, 2024
spot_img

മുംബൈയിൽ ഭീകരാക്രമണ ഭീഷണി; അതീവ ജാഗ്രതയിൽ നഗരം

മുംബൈ: മുംബൈയിൽ ഭീകരാക്രമണ ഭീഷണിയെ തുടർന്ന് നഗരം അതീവ ജാഗ്രതയിലാണ്. പുതുവത്സര തലേന്ന് നഗരത്തിൽ ഖലിസ്ഥാൻ ഭീകരർ ആക്രമണത്തിന് പദ്ധതിയിടുന്നതായാണ് കേന്ദ്ര രഹസ്യാന്വേഷണ ഏജൻസിയുടെ മുന്നറിയിപ്പ്. അവധിയിൽ ഉള്ള ഉദ്യോഗസ്ഥരെ അടക്കം തിരികെ വിളിച്ച് പോലീസ് സുരക്ഷാ ശക്തമാക്കി.

വിവിധ റെയിൽവേ സ്റ്റേഷനുകളിലായി മൂവായിരത്തോളം പോലീസുകാരെ സുരക്ഷക്ക് വേണ്ടി വിന്യസിച്ചതായി റെയിൽവേ പോലീസ് അറിയിച്ചു. കൊവിഡ് പശ്ചാത്തലത്തിൽ പുതുവത്സര പരിപാടികൾക്കെല്ലാം നേരത്തെ തന്നെ മുംബൈയിൽ നിരോധനം ഏർപ്പെടുത്തിയിട്ടുണ്ട്. നേരത്തെ ലുധിയാന കോടതിയിൽ ഉണ്ടായ ബോംബ് സ്ഫോടനത്തിൽ ഖലിസ്ഥാൻ ഭീകരർക്ക് പങ്കുണ്ടെന്ന് വ്യക്തമായിരുന്നു. ഇതുമായി ബന്ധപ്പെട്ട് നടത്തിയ അന്വേഷണങ്ങൾക്കിടെയാണ് പുതുവത്സരത്തിന് മുംബൈയിൽ ആക്രമണം നടത്താൻ പദ്ധതിയുണ്ടെന്ന് കേന്ദ്ര ഏജൻസികൾക്ക് വിവരം ലഭിച്ചത്.

Related Articles

Latest Articles