ഗാസ- വടക്കൻ ഗാസ മുനമ്പിലെ ഹമാസിൻ്റെ കമാൻഡ് ഘടന പൊളിച്ചുമാറ്റൽ പൂർത്തിയാക്കിയതായി ഇസ്രായേൽ സൈന്യം അറിയിച്ചു. പലസ്തീൻ തീവ്രവാദികൾ ഇപ്പോൾ ഇടയ്ക്കിടെ മാത്രമേ “കമാൻഡർമാരില്ലാതെ” പ്രദേശത്ത് പ്രവർത്തിക്കൂവെന്ന് സൈനിക വക്താവ് ഡാനിയൽ ഹഗാരി മാദ്ധ്യമപ്രവർത്തകരോട് പറഞ്ഞു. വടക്കൻ ഗാസയിൽ ഏകദേശം 8,000 തീവ്രവാദികളെ ഇസ്രായേൽ വധിച്ചതായയും അദ്ദേഹം പറഞ്ഞു.
തെക്കൻ, മദ്ധ്യ ഗാസയിൽ ഹമാസിനെ തകർക്കുന്നതിലാണ് ഇസ്രായേൽ ഡിഫൻസ് ഫോഴ്‌സ് (ഐഡിഎഫ്) ഇപ്പോൾ ശ്രദ്ധ കേന്ദ്രീകരിച്ചിരിക്കുന്നത്.
ഹമാസിൻ്റെ നിയന്ത്രണത്തിലുള്ള ആരോഗ്യ മന്ത്രാലയത്തിൻ്റെ കണക്കനുസരിച്ച്, യുദ്ധം ആരംഭിച്ചതിന് ശേഷം ഇസ്രായേൽ 22,000-ത്തിലധികം ആളുകൾ കൊലചെയ്യപ്പെട്ടിട്ടുണ്ട് . കഴിഞ്ഞ 24 മണിക്കൂറിനുള്ളിൽ 120-ലധികം മരണങ്ങൾ രേഖപ്പെടുത്തിയതായിഅധികൃതർ അറിയിച്ചു. 2.3 ദശലക്ഷം ജനസംഖ്യയുടെ ഭൂരിഭാഗവും പലായനം ചെയ്തു.
ഒക്‌ടോബർ 7-ന് തെക്കൻ ഇസ്രായേലിൽ ഹമാസ് തോക്കുധാരികൾ നടത്തിയ അപ്രതീക്ഷിത ആക്രമണത്തിൽ 1,200 പേർ കൊല്ലപ്പെടുകയും 240 ഓളം പേരെ ബന്ദികളാക്കുകയും ചെയ്‌തതിന് ശേഷമാണ് ഇസ്രായേലിൻ്റെ ആക്രമണം ആരംഭിച്ചത്.
ഗാസ സംഘർഷം വ്യാപിക്കുന്നില്ലെന്ന് ഉറപ്പുവരുത്തുന്നതിലും യുദ്ധം തടയുന്നതിലുമാണ് താൻ ശ്രദ്ധ കേന്ദ്രീകരിക്കുന്നതെന്ന് യു.എസ് സ്റ്റേറ്റ് സെക്രട്ടറി ആൻ്റണി ബ്ലിങ്കെൻ ശനിയാഴ്ച പറഞ്ഞു.
ഗാസയിൽ ഉടനടി വെടിനിർത്തലിന് സമ്മതിക്കാൻ വാഷിംഗ്ടൺ ഇസ്രായേൽ സമ്മർദം ചെലുത്തണം, ഗാസയിൽ ഇസ്രായേൽ സൈന്യത്തിൻ്റെ തുടർച്ചയുടെ “വിനാശകരമായ പ്രത്യാഘാതങ്ങളെക്കുറിച്ച്” മുന്നറിയിപ്പ് നൽകിക്കൊണ്ട് അബ്ദുല്ല രാജാവ് ബ്ലിങ്കനോട് പറഞ്ഞതായി കൊട്ടാരം വ്യക്തമാക്കി.
ഹമാസിനെ ഉന്മൂലനം ചെയ്യാനും ബന്ദികളാക്കിയവരെ തിരിച്ചുകൊണ്ടുവരാനും ഗാസ ഇനി ഇസ്രായേലിന് ഭീഷണിയാകില്ലെന്ന് ഉറപ്പാക്കാനുമുള്ള പ്രചാരണം ഇസ്രായേൽ തുടരുമെന്ന് പ്രധാനമന്ത്രി ബെഞ്ചമിൻ നെതന്യാഹു പറഞ്ഞിരുന്നു. സമ്പൂർണ വിജയം കൈവരിക്കുന്നത് വരെ നമ്മൾ എല്ലാം മാറ്റിവെക്കണം- നെതന്യാഹു പ്രസ്താവനയിൽ പറഞ്ഞു.
