തിരുവനന്തപുരം: മുതിർന്ന കോൺഗ്രസ് നേതാവും മുൻമന്ത്രിയുമായ കടവൂർ ശിവദാസൻ (87) അന്തരിച്ചു. ഇന്ന് പുലർച്ചെ നാലരയോടെ തിരുവനന്തപുരത്തെ സ്വകാര്യ ആശുപത്രിയിൽ വാര്ധക്യസഹജമായ അസുഖങ്ങളെ തുടര്ന്നാണ് മരണം. അന്ത്യം. കെ.കരുണാകരൻ, എ.കെ.ആന്റണി മന്ത്രിസഭകളിൽ രണ്ടുവട്ടംവീതം മന്ത്രിയായിരുന്ന അദ്ദേഹം തൊഴിൽ, എക്സൈസ്, വൈദ്യുതി, ആരോഗ്യം, വനം, ഗ്രാമവികസനം, ഭവനനിർമാണം തുടങ്ങിയ പ്രധാന വകുപ്പുകൾ കൈകാര്യം ചെയ്തിട്ടുണ്ട്.
സംസ്കാരം ഇന്ന് വൈകീട്ട് മുളങ്കാടകം ശ്മശാനത്തില് നടക്കും. രാവിലെ 10 മുതൽ കൊല്ലം ഡിസിസിയിലും 11.30 മുതൽ വീട്ടിലും മൃതദേഹം പൊതുദർശനത്തിനു വയ്ക്കും.
ആര്എസ്പിയിലൂടെ പൊതു പ്രവര്ത്തനം തുടങ്ങിയ കടവൂര് പിന്നീട് കോണ്ഗ്രസ്സില് ചേര്ന്നു. 1980 ലും 1982 ലും ആര്എസ്പി സ്ഥാനാര്ത്ഥിയായും 1991, 1996, 2001 നിയമസഭാ തെരഞ്ഞെടുപ്പുകളില് കോണ്ഗ്രസ്സ് സ്ഥാനാര്ത്ഥിയായും ജയിച്ചു.
അംസംഘടിത മേഖലയിലെ തൊഴിലാളികള്ക്കുവേണ്ടി ക്ഷേമനിധി ബോര്ഡ് രൂപവത്കരിച്ചതിന്റെ പിന്നിൽ കടവൂർ ശിവദാസനായിരുന്നു. അതോടെയാണ് എല്ലാ മേഖലയിലും ക്ഷേമനിധി ബോര്ഡ് കേരളത്തില് നടപ്പിൽ വന്നത്. തൊഴിലാളി വിഭാഗങ്ങളെ കോണ്ഗ്രസിനൊപ്പം നിലനിര്ത്തുന്നതില് കടവൂര് ശിവദാസന് ശ്രദ്ധേയമായ പങ്കുവഹിച്ചു.
വിജയമ്മയാണ് ഭാര്യ. മിനി, ഷാജി ശിവദാസന് എന്നിവര് മക്കളാണ്.
