കൊൽക്കത്ത : ഈഡൻ ഗാർഡൻസ് സ്റ്റേഡിയത്തിലും ലക്നൗ സൂപ്പർ ജയന്റ്സ് താരം നവീൻ ഉൾ ഹഖിനെതിരെ കോഹ്ലി ചാന്റ് മുഴക്കി ആരാധകർ. ഇന്നലെ നടന്ന കൊൽക്കത്ത നൈറ്റ് റൈഡേഴ്സ്– റോയൽ ചാലഞ്ചേഴ്സ് ബാംഗ്ലൂർ മത്സരത്തിനിടെയാണ് ആരാധകരുടെ ‘കോലി, കോലി’ ചാന്റുകൾ ഉയർന്നത്. രണ്ടാം ഓവർ എറിയാൻ നവീന് ഉൾ ഹഖ് എത്തിയത് മുതൽ ഗാലറിയിൽ ‘വിരാട് കോഹ്ലി’ ചാന്റുകൾ ഉയരാൻ തുടങ്ങി.
മത്സരത്തിൽ വിക്കറ്റു വീഴ്ത്താനായില്ലെങ്കിലും കൊൽക്കത്ത താരം റഹ്മാനുല്ല ഗുർബാസ് പുറത്തായപ്പോൾ ആരാധകരുടെ നേരെ അഫ്ഗാൻ താരം തിരിഞ്ഞു. ആരാധകരെ നോക്കി മിണ്ടാതിരിക്കാൻ താരം ആംഗ്യം കാണിച്ചു. കൊൽക്കത്തയ്ക്കെതിരെ 15 ഉം 17 ഉം ഓവറുകൾ കൂടി പന്തെറിയാനെത്തിയ നവീൻ യഥാക്രമം ആറും ഏഴും റൺസ് മാത്രമാണു വഴങ്ങിയത്. ഇതോടെ 20–ാം ഓവർ എറിയാനും ലക്നൗ ക്യാപ്റ്റൻ ക്രുനാൽ പാണ്ഡ്യ നവീന് ഉൾ ഹഖിനെ പന്ത് ഏൽപിച്ചു. എന്നാൽ കൊൽക്കത്ത ബാറ്റർ റിങ്കു സിങ് 20 റണ്സാണ് ഈ ഓവറിൽ അടിച്ചെടുത്തത്. മത്സരത്തിൽ ഒരു റണ്ണിനാണ് ലക്നൗ വിജയിച്ചത്. ജയത്തോടെ ലക്നൗ പ്ലേ ഓഫ് ഉറപ്പിച്ചു. ആദ്യം ബാറ്റു ചെയ്ത ലക്നൗ സൂപ്പർ ജയന്റ്സ് എട്ടു വിക്കറ്റ് നഷ്ടത്തിൽ 176 റൺസാണു നേടിയത്. മറുപടി ബാറ്റിങ്ങിൽ കൊൽക്കത്തയ്ക്ക് ഏഴു വിക്കറ്റ് നഷ്ടത്തിൽ 175 റൺസെടുക്കാനേ സാധിച്ചുള്ളൂ. തോൽവിയോടെ കൊൽക്കത്തയുടെ പ്ലേ ഓഫിൽ നിന്ന് പുറത്തായി.