ചെന്നൈ: തുറന്നു കിടക്കുന്ന കുഴല്‍ക്കിണറുകള്‍ സംബന്ധിച്ച്‌ തമിഴ്നാട് സര്‍ക്കാര്‍ റിപ്പോര്‍ട്ട് നല്‍കണമെന്ന് മദ്രാസ് ഹൈക്കോടതി. നവംബര്‍ 12 ന് മുന്‍പ് റിപ്പോര്‍ട്ട് നല്‍കണമെന്നാണ് ആവശ്യപ്പെട്ടിരിക്കുന്നത്.
ട്രിച്ചിയില്‍ രണ്ടുവയസുകാരന്‍ കുഴല്‍ക്കിണറില്‍ വീണു മരിച്ച സംഭവുമായി ബന്ധപ്പെട്ട പരാതിയിലാണ് കോടതിയുടെ നപടി. ഹര്‍ജി പരിഗണിക്കാന്‍ കോടതി പ്രത്യേക സിറ്റിംഗ് നടത്തി.
ജസ്റ്റീസുമാരായ എം. സത്യനാരായണന്‍, എന്‍. ശേഷസായി എന്നിവരുടെ ഡിവിഷന്‍ ബെഞ്ചാണ് ഹര്‍ജി പരിഗണിച്ചത്. കുഴല്‍ക്കിണറുകളുടെ എണ്ണം സംബന്ധിച്ച്‌ വിവരങ്ങളും മൂടാനുള്ള കിണറുകളുടെ എണ്ണം സംബന്ധിച്ചും സംസ്ഥാന സര്‍ക്കാരിന് വിവരമുണ്ടോയെന്ന് കോടതി ചോദിച്ചു.
