മലയാള സിനിമ പ്രേക്ഷകർക്ക് സുപരിചിതയായ നടിയാണ് മാളവിക മോഹനന്‍. പട്ടം പോലെ’ എന്ന സിനിമയില്‍ ദുല്‍ഖര്‍ സല്‍മാന്റെ ജോഡിയായി അഭിനയിച്ച് മലയാളികളുടെ പ്രിയങ്കരിയായി. തുടർന്ന് രജിനി കാന്തിന്റെ ‘പേട്ട’ എന്ന സിനിമയിലൂടെ തമിഴ് സിനിമയിലും താരം അരങ്ങേറ്റം കുറിച്ചു.
ഇപ്പോഴിതാ നടി മാളവിക മോഹന് സിനിമാ ഷൂട്ടിങ്ങിനിടെ അപകടം സംഭവിച്ചെന്ന വാർത്തയാണ് പുറത്ത് വരുന്നത്. സിദ്ധാര്‍ത്ഥ് ചതുര്‍വേദി നായകനാകുന്ന ‘യുദ്ര’ എന്ന സിനിമയുടെ ഷൂട്ടിങ്ങിനിടെയാണ് അപകടം ഉണ്ടായത്.
അതേസമയം മാളവികയുടെ ഹിന്ദി അരങ്ങേറ്റ ചിത്രം കൂടിയാണിത്. ഈ ചിത്രത്തില്‍ മാളവിക മോഹനനും ആക്ഷന്‍ കഥാപാത്രത്തെയാണ് അവതരിപ്പിക്കുന്നത്. ഈ രംഗങ്ങള്‍ ഷൂട്ട് ചെയ്യുന്നതിനിടെയാണ് അപകടം ഉണ്ടായത്. മാളവികയ്ക്ക് അപടകം സംഭവിച്ചതോടെ സിനിമയുടെ ചിത്രീകരണം നിര്‍ത്തിവെച്ചിരിക്കുകയാണ്.
