കൊച്ചി: സിനിമ സീരിയൽ പരസ്യചിത്ര സംവിധായകൻ ജെ.ഫ്രാൻസിസ് (52) അന്തരിച്ചു. കരൾ സംബന്ധമായ അസുഖത്തെ തുടർന്ന് എറണാകുളത്ത് സ്വകാര്യ ആശുപത്രിയിൽ ചികിത്സയിലായിരുന്നു അദ്ദേഹം. പെരുമ്പടപ്പ് ചമ്പാടി ഹൗസിൽ പരേതനായ ജോസ്ലിന്റേയും മേരിയുടേയും മകനാണ്. പൂത്തുമ്പിയും പൂവാലൻമാരും, മസനഗുഡി മന്നാഡിയാർ സ്പീക്കിങ് എന്നീ സിനിമകൾ സംവിധാനം ചെയ്തിട്ടുണ്ട്.
‘ഇങ്ങനെയൊക്കെ നടന്നാ മതിയാ?’ എന്ന സീരിയൽ സംവിധാനം ചെയ്തു. സിനിമയ്ക്കും സീരിയലിനും പുറമെ ഒട്ടനവധി പരസ്യചിത്രങ്ങളും ഒരുക്കിയിട്ടുണ്ട്.
പെരുമ്പടപ്പ് സാന്റാക്രൂസ് ദേവാലയ വളപ്പിൽ ഇന്ന് രാവിലെ 11 മുതൽ മൃതദേഹം പൊതുദർശനത്തിനു വെക്കും. പൊതുദർശനത്തിനു ശേഷം ദേവാലയ സെമിത്തേരിയില് സംസ്കാരം നടത്തുമെന്ന് ബന്ധുക്കള് അറിയിച്ചു. മാതാവ്: മേരി, ഭാര്യ: ഷീബ ഫ്രാൻസിസ്, മകൻ: സാവിയോ ഫ്രാൻസിസ്.