പ്രേക്ഷകർ ഏറെ ആകാംക്ഷയോടെ കാത്തിരിക്കുന്ന ചിത്രമാണ് നല്ല നിലാവുള്ള രാത്രി. നവാഗതനായ മർഫി ദേവസിയാണ് ചിത്രം സംവിധാനം ചെയ്യുന്നത്. സ്ത്രീകഥാപാത്രങ്ങൾ ആരും തന്നെയില്ല എന്നതാണ് സിനിമയുടെ പ്രത്യേകത. ഇപ്പോൾ ചിത്രത്തിന്റെ മോഷൻ പോസ്റ്റർ റിലീസ് ചെയ്തിരിക്കുകയാണ് മോഹൻലാൽ.
ചെമ്പൻ വിനോദ് ജോസ്, ബാബുരാജ് എന്നിവർ പ്രധാന കഥാപാത്രങ്ങളായെത്തുന്ന ചിത്രത്തിലെ തനാരോ തന്നാരോ എന്ന ഗാനം ഇതിനോടകം തന്നെ ഹിറ്റായിക്കഴിഞ്ഞു. സിനിമ അടുത്തമാസം തീയേറ്ററുകളിൽ എത്തുമെന്നാണ് പുറത്തുവരുന്ന റിപ്പോർട്ട്. സാന്ദ്രാ തോമസ് പ്രൊഡക്ഷൻസിന്റെ ബാനറിൽ ഒരുങ്ങുന്ന സിനിമ സാന്ദ്ര തോമസ്, വിൽസൻ തോമസ് എന്നിവരാണ് നിർമിക്കുന്നത്.