വിക്രം കെ കുമാറാണ് ചിത്രം സംവിധാനം ചെയ്ത നാഗ ചൈതന്യ നായകനായി കഴിഞ്ഞ ദിവസം പ്രദര്ശനത്തിന് എത്തിയ ചിത്രമാണ് ‘താങ്ക്യു’. സമ്മിശ്ര പ്രതികരണമാണ് ചിത്രത്തിന് തിയറ്ററുകളില് നിന്ന് ലഭിക്കുന്നത്. വലിയ സ്വീകാര്യത ചിത്രത്തിന് ലഭിക്കുന്നില്ല എന്നാണ് ബോക്സ് ഓഫീസ് റിപ്പോര്ട്ടുകള് സൂചിപ്പിക്കുന്നത്. ഒരു റൊമാന്റിക് കോമഡി ചിത്രമായിരിക്കും ഇത്.
ഏഴ് കോടി രൂപയ്ക്കടുത്തതാണ് ആദ്യ ദിവസം ചിത്രത്തിന് ബോക്സ് ഓഫീസില് നിന്ന് നേടാനായത്. മാളവിക നായരും റാഷി ഖന്നയും ആണ് ചിത്രത്തില് നായികമാരായി അഭിനയിച്ചത്. എസ് തമൻ ആണ് സംഗീത സംവിധായകൻ. ‘താങ്ക്യു’വിലെ ഗാനങ്ങള് ചിത്രം തിയറ്ററുകളില് എത്തും മുമ്പേ ഹിറ്റായിരുന്നു.
വെങ്കട് ഡി പതി, മിഥുൻ ചൈതന്യ എന്നിവരാണ് ചിത്രം നിര്മിക്കുന്നത്. ശ്രീ വെങ്കടേശ്വര ക്രിയേഷൻസിന്റെ ബാനറിലാണ് ചിത്രത്തിന്റെ നിര്മാണം. നാഗ ചൈതന്യക്കും റാഷി ഖന്നയ്ക്കും പുറമേ മാളവിക നായര്, അവിക ഗോര്, സായ് സുശാന്ത് റെഡ്ഡി, പ്രകാശ് രാജ് തുടങ്ങിയവരും ചിത്രത്തില് അഭിനിയിക്കുന്നു. മഹേഷ് ബാബുവിന്റെ ആരാധകനായ ഹോക്കി താരമായാണ് നാഗ ചൈതന്യ ചിത്രത്തില് അഭിനയിക്കുന്നത്. നവീൻ നൂലി ആണ് ചിത്രത്തിന്റെ ചിത്ര സംയോജകൻ. പി സി ശ്രീറാം ആണ് ഛായാഗ്രാഹകൻ. ചിത്രത്തിന്റെ തിരക്കഥ എഴുതുന്നത് വിക്രം കുമാറാണ്.
