വെള്ളിനക്ഷത്രം എന്ന ചിത്രത്തിലൂടെ മലയാളി പ്രേക്ഷകരുടെ മനം കവര്ന്ന ബാലതാരമായിരുന്നു തരുണി സച്ച്ദേവ്. പിന്നീട് വിനയന്റെ തന്നെ സത്യം എന്ന ചിത്രത്തിലും അഭിനയിച്ചിരുന്നു. 2009 ല് പുറത്തിറങ്ങിയ അമിതാഭ് ബച്ചന് നായകനായ പാ, തമിഴിലെ വെട്രി സെല്വന് എന്നീ ചിത്രങ്ങളിലും തരുണി അഭിനയിച്ചു.
സിനിമകളിലും പരസ്യ ചിത്രങ്ങളിലും തിളങ്ങി നില്ക്കുന്ന സമയത്തായിരുന്നു തരുണിയുടെ അപ്രതീക്ഷ വിയോഗം. കഴിഞ്ഞ ദിവസമുണ്ടായ നേപ്പാള് വിമാന അപകടത്തോടെ തരുണിയുടെ മരണം വീണ്ടും ചർച്ചയായി കഴിഞ്ഞിരിക്കുകയാണ്.
തന്റെ പതിനാലാം പിറന്നാളാള് ദിനത്തില് അമ്മയ്ക്കൊപ്പം നേപ്പാളിലെ പൊഖാരയില് നിന്ന് ജോംസോമിലേക്ക് പറക്കുമ്പോഴായിരുന്നു അപകടം. ജോംസോമിന് സമീപം വിമാനം തകര്ന്ന് വീഴുകയായിരുന്നു. 21മൂന്നുജോലിക്കാരും 16 ഇന്ത്യന് വിനോദസഞ്ചാരികളും രണ്ട് ഡാനിഷ് പൗരന്മാരുമാണ് വിമാനത്തിലുണ്ടായിരുന്നത്. പൊഖാരയില് നിന്നും മുസ്താങിലെ ജോംസോങ്ങ് വിനോദസഞ്ചാരമേഖലയിലേക്ക് പോവുകയായിരുന്ന വിമാനമാണ് തകര്ന്നു വീണത്. തരുണിയുടെ അമ്മ ഗീത സച്ദേവും അപകടത്തില് കൊല്ലപ്പെട്ടു.
ഇതേ ആകാശപാതയിലാണ് കഴിഞ്ഞ ദിവസം കാഠ്മണ്ഡു ആസ്ഥാനമായ താരാ എയറിന്റെ ചെറുവിമാനം കഴിഞ്ഞ ദിവസം അപകടത്തില്പ്പെട്ടത്. 43 വര്ഷം പഴക്കമുള്ള 9 എന്-എഇടി ഇരട്ട എന്ജിന് വിമാനമാണിത്. നേപ്പാളിലെ പൊഖാറയില്നിന്നും ജോംസമിലേക്ക് ഞായറാഴ്ച രാവിലെ 9.55ഓടെയാണ് വിമാനം യാത്ര പുറപ്പെട്ടത്. 15 മിനിറ്റുകള്ക്കകം എയര് ട്രാഫിക് കണ്ട്രോളുമായുള്ള വിമാനത്തിന്റെ ബന്ധം നഷ്ടമാവുകയായിരുന്നു. നാല് ഇന്ത്യക്കാരെക്കൂടാതെ രണ്ട് ജര്മന് പൗരന്മാരും 13 നേപ്പാളി യാത്രക്കാരും മൂന്ന് ജീവനക്കാരുമാണ് വിമാനത്തിലുണ്ടായിരുന്നത്. യാത്രക്കാരായ നാല് ഇന്ത്യക്കാര് മുംബൈ സ്വദേശികളായിരുന്നു. 22 മൃതദേഹങ്ങളും പുറത്തെടുത്തു. ഹിമാലയത്തില് ട്രക്കിങ്ങിന് പേരുകേട്ട സ്ഥലമാണ് ജൊംസോം. പൊഖാറയില്നിന്ന് 20 മിനിറ്റ് യാത്ര ചെയ്താല് ജോംസോമിലെത്താം
